War 2: ఇద్దరిలో ఎవరికి?
ABN , First Publish Date - 2023-06-17T14:47:49+05:30 IST
యంగ్‌ టైగర్‌ ఎన్టీఆర్‌ హీరోగా కొరటాల శివ దర్శకత్వంలో ‘దేవర’ చిత్రం రూపొందుతున్న సంగతి తెలిసిందే! ఇటీవల పోరాట సన్నివేశాలు చిత్రీకరించారు. వచ్చే ఏడాది ఏప్రిల్‌ 5న సినిమాను విడుదల చేయడానికి సన్నాహాలు చేస్తున్నారు. ఈ సినిమా షూటింగ్‌ పూర్తి కాగానే బాలీవుడ్ ఎంట్రీకి సిద్ధమవుతున్నారు తారక్‌.
యంగ్‌ టైగర్‌ ఎన్టీఆర్‌ హీరోగా కొరటాల శివ దర్శకత్వంలో ‘దేవర’ (Devara)చిత్రం రూపొందుతున్న సంగతి తెలిసిందే! ఈ చిత్రంలో సైఫ్‌ అలీఖాన్‌ ప్రతినాయకుడిగా నటిస్తున్నారు. ఇటీవల పోరాట సన్నివేశాలు చిత్రీకరించారు. వచ్చే ఏడాది ఏప్రిల్‌ 5న సినిమాను విడుదల చేయడానికి సన్నాహాలు చేస్తున్నారు. ఈ సినిమా షూటింగ్‌ పూర్తి కాగానే బాలీవుడ్ ఎంట్రీకి సిద్ధమవుతున్నారు తారక్‌. హృతిక్‌ రోషన్‌ హీరోగా రూపొందుతున్న ‘వార్‌-2’ (War 2) చిత్రానికి ఆయన సైన్‌ చేసిన సంగతి తెలిసిందే! యశ్‌ రాజ్‌ ఫిల్మ్స్‌ (yash raj Films) నిర్మించనున్న ఈ చిత్రంలో హృతిక్‌ రోషన్‌తో కలిసి స్ర్కీన్‌ షేర్‌ చేసుకోబోతున్నారు ఎన్టీఆర్‌. ఈ ఇద్దరి మధ్య జరిగే యుద్థం నెక్స్ట్‌ లెవల్లో ఉంటుందని బాలీవుడ్‌లో టాక్‌ నడుస్తోంది. అయాన్‌ ముఖర్జీ (Ayan mukharji)దర్శకత్వం వహించనున్న ఈ చిత్రంలో ఎన్టీఆర్‌ పాత్ర చాలా పవర్‌ఫుల్‌గా ఉంటుందట.
తాజా సమాచారం ప్రకారం.. ఈ చిత్రంలో హీరోయిన్‌గా కియారా అద్వానీని (Kiara adwani) ఖరారు చేసినట్లు సమాచారం. అయితే ఆమె హృతిక్‌ రోషన్‌కు జోడీనా? లేక ఎన్టీఆర్‌కి జోడీనా అన్నది తెలియాల్సి ఉంది. ప్రస్తుతం కియారా రామ్‌ చరణ్‌ సరసన ‘గేమ్‌ ఛేంజర్‌’ చిత్రంలో నటిస్తోంది.