Kannappa : కదిలొచ్చిన కన్నప్ప
ABN , First Publish Date - 2023-11-24T01:05:28+05:30 IST
మహాశివుడి ప్రియ భక్తుడు కన్నప్ప గాథను తెరపైకి తీసుకొస్తున్నారు విష్ణు మంచు. ఆయన టైటిల్‌ రోల్‌ పోషిస్తున్న చిత్రం ‘కన్నప్ప’. గురువారం విష్ణు పుట్టిన రోజు...
మహాశివుడి ప్రియ భక్తుడు కన్నప్ప గాథను తెరపైకి తీసుకొస్తున్నారు విష్ణు మంచు. ఆయన టైటిల్‌ రోల్‌ పోషిస్తున్న చిత్రం ‘కన్నప్ప’. గురువారం విష్ణు పుట్టిన రోజు. ఈ సందర్భంగా చిత్రబృందం ‘కన్నప్ప’ స్పెషల్‌ పోస్టర్‌ను విడుదల చేసింది. భారీ శివలింగం ఎదుట గాల్లో ఎగురుతూ విల్లును ఎక్కుపెడుతున్న యోధుడిగా విష్ణు లుక్‌ అద్భుతంగా ఉంది. ‘‘కన్నప్ప’ సినిమా కోసం మా సర్వశక్తులు ధారపోస్తున్నాం. ఆ భక్తుడి గాథను తెరపైకి తెచ్చేందుకు తీవ్రంగా శ్రమిస్తున్నాం. దృశ్యకావ్యంలా తీర్చిదిద్దుతున్నాం. ఈ చిత్రం ప్రేక్షకులకు సరికొత్త అనుభూతిని ఇస్తుంది’ అని విష్ణు చెప్పారు. భారీ తారాగణంతో పాన్‌ ఇండియా స్థాయిలో ఈ చిత్రం రూపొందుతోంది. ప్రభాస్‌, మోహన్‌బాబు, మోహన్‌లాల్‌, శివరాజ్‌కుమార్‌, శరత్‌కుమార్‌ కీలకపాత్రలు పోషిస్తున్నారు. ముఖేశ్‌కుమార్‌ దర్శకుడు. న్యూజిలాండ్‌లో చిత్రీకరణ చేస్తున్నారు.