Kartikeya Gummakonda: అయిదేళ్ల తరువాత సక్సెస్ వచ్చింది, అందుకే మాటలు అటు ఇటు అవుతున్నాయి

అయిదేళ్ల క్రితం 'ఆర్ఎక్స్ 100' #RX100 అనే సినిమా కార్తీక్ గుమ్మకొండ (KartikGummakonda) కి విజయం ఇచ్చింది. దానికి అజయ్ భూపతి (AjayBhupathi) దర్శకుడు, అతనికి కూడా దర్శకుడిగా అదే సినిమా. ఆ తరువాత కార్తికేయ చాలా సినిమాలు చేసాడు, కానీ విజయం వచ్చినట్టే వచ్చి దూరం అయిపొయింది. గత వారం అతను 'బెదురులంక 2012' #Bedurulanka2012 అనే సినిమాతో ప్రేక్షకుల ముందుకు వచ్చాడు. క్లాక్స్ దర్శకుడు (Clax), ఇది అతనికి మొదటి సినిమా దర్శకుడిగా.

ఈ సినిమా బ్రేక్ ఈవెన్ నాలుగో రోజే వచ్చేసింది, మొదటి రోజు కొంచెం మిక్సిడ్ టాక్ వచ్చినా, రెండో రోజు నుండీ కలెక్షన్స్ బాగా పెరిగాయి. అలాగే కార్తికేయ కి ఈ సినిమా ఒక మంచి బ్రేక్ ఇచ్చింది కూడా. గత అయిదు సంవత్సరాల్లో చాలా సినిమాలు చేసిన వస్తున్నాయి దగ్గరికి, ఎక్కడికో పోతున్నాయి, కానీ ఇప్పుడు మొత్తానికి 'బెదురులంక 2012' #Bedurulanka2012 నేను అనుకున్నది ఇచ్చింది. నేను ఈ సినిమా ముందు నుండీ నమ్మాను, అలాగే ఈ సినిమా చేస్తున్నప్పుడు మేము చాలా ఇబ్బందులు ఎదుర్కొన్నా, అందరికీ నమ్మకం అయితే వుంది, ఆలా మేము అనుకున్నట్టుగానే హిట్ అయింది అని చెప్పాడు కార్తీక్.

ఒక సంవత్సరంన్నర చేసాము ఈ సినిమాని, హిట్ వచ్చి ఐదేళ్లు అవుతోంది కాబట్టి, నాకు మాటలు అటు ఇటు అవుతున్నాయి, తడబడుతున్నాను అందుకే, అని చెప్పాడు కార్తికేయ, ఈ సినిమా విజయోత్సవాల్లో భాగంగా. ఈ సినిమాలో నటించిన మిగతా ఆర్టిస్టులు అందరూ బాగా సపోర్ట్ చేశారు, అలాగే కథానాయికగా చేసిన నేహా శెట్టి (NehaShetty)పెద్ద నటి అవుతుంది అనటంలో సందేహం లేదు అని చెప్పాడు కార్తికేయ.

ఈ సినిమా ఒక పెద్ద రేంజ్ లోనో, లేదా పెద్దగా ఓపెనింగ్స్ వచ్చేస్తాయి అనో ముందు అనుకునే విడుదల చేసాము. అయితే విడుదలయిన తరువాత ప్రతి షో కి పాజిటివ్ టాక్ తో ప్రేక్షకులు ఈ సినిమా కలెక్షన్స్ పెంచుకుంటూ వెళ్లారు, ఈరోజు కలెక్షన్స్ అయితే చాలా బాగున్నాయి, అందరం చాలా సంతోషంగా వున్నాము అని చెప్పాడు కార్తికేయ.