స్పార్క్L.I.F.E: మెహ‌రీన్ పిర్జాదా, రుక్స‌ర్ థిల్లాన్ ఇద్దరికీ పెద్ద ఛాన్స్
ABN , First Publish Date - 2023-09-13T18:37:45+05:30 IST
'స్పార్క్' సినిమా నుండి సిద్ శ్రీరామ్ పడిన పాట విడుదలైంది. ఇది వినటానికి చాలా హాయిగా వుంది. విక్రాంత్ ఈ సినిమాలో కథానాయకుడు గా కాకుండా, దర్శకుడిగా గా చేస్తున్నాడు. మెహెరీన్, రుక్స‌ర్ థిల్లాన్ కథానాయికలు. వీళ్లిద్దరికీ ఈ సినిమా ఒక మంచి అవకాశం అని చెప్పొచ్చు
విక్రాంత్ (Vikranth) కథానాయకుడిగా మెహ‌రీన్ పిర్జాదా (MehreenPirzada), రుక్స‌ర్ థిల్లాన్ (RuksharDhillon) ఇద్దరూ కథానాయికలుగా భారీ బ‌డ్జెట్‌తో రూపొందుతోన్న ప్రెస్టీజియ‌స్ మూవీ ‘స్పార్క్L.I.F.E’. (Spark) ఇదొక యాక్ష‌న్ థ్రిల్ల‌ర్‌గా తెర‌కెక్కుతోంది. ఈ సినిమాలో కథానాయకుడిగా నటించడంతో పాటు విక్రాంత్ కథ, స్క్రీన్ ప్లే అందించారు, అలాగే దర్శకత్వం కూడా చేశారు. ఇదొక సైకలాజికల్ థ్రిల్లర్ సినిమాగా 'స్పార్క్'ను తెరకెక్కించారు.
మలయాళం బ్లాక్ బస్టర్ 'హృదయం', అలాగే ఈమధ్యనే విడుదలైన విజయ్ దేవరకొండ (VijayDeverakonda), సమంత (Samantha) నటించిన 'ఖుషి' #Khushi సినిమాల కి సంగీతం అందించిన హేషం అబ్దుల్ వహాబ్ (HeshamAbdulWahaab) ఈ సినిమాకు సంగీతం అందిస్తున్నారు. ఈ సినిమా ప్రచారంలో భాగంగా ఈ రోజు ఈ సినిమాలో నుంచి మొదటి పాట 'ఏమా అందం'ను విడుదల చేశారు. అనంత శ్రీరామ్ ఈ పాట రాయగా, సిద్ శ్రీరామ్ పాడారు.
విశాఖపట్నంలోని ఓ కాలేజీలో జరిగిన కార్యక్రమంలో ఈ పాటను విడుదల చేశారు. హేషం అందించిన అద్భుతమైన బాణీకి అనంత శ్రీరామ్ సాహిత్యం, సిద్ శ్రీరామ్ గాత్రం తోడు కావడంతో ఇన్స్టంట్ చార్ట్ బస్టర్‌గా నిలిచింది. హీరో విక్రాంత్, హీరోయిన్ రుక్సార్ థిల్లాన్ మీద ఈ పాటను తెరకెక్కించారు. విజువలైజేషన్ కూడా ప్లజెంట్‌గా ఉంది. ఆడియన్స్‌ను అట్ట్రాక్ట్ చేస్తుంది అనడంలో సందేహం లేదు. ఈ సినిమా టీజర్ ఈమధ్యనే విడుదలై ఆసక్తికరంగా ఉండటంతో ఈ సినిమాపై కొంచెం అంచనాలు పెంచింది. నవంబర్ 17న ఈ సినిమా విడుదల చేయనున్నారు.
‘స్పార్క్’ మూవీ షూటింగ్ అంతా పూర్తయ్యింది. ప్రస్తుతం పోస్ట్ ప్రొడక్ష‌న్ పనులు శ‌ర‌వేగంగా జ‌రుగుతున్నాయి. మలయాళ విలక్ష‌ణ న‌టుడు గురు సోమ‌సుంద‌రం ప్రతినాయకుడి పాత్ర‌లో అల‌రించ‌బోతున్నారు. నాజ‌ర్‌, సుహాసిని మ‌ణిర‌త్నం, వెన్నెల కిషోర్‌, స‌త్య, బ్రహ్మాజీ, శ్రీకాంత్ అయ్యంగార్‌ త‌దిత‌రులు ఇత‌ర పాత్ర‌ల్లో న‌టిస్తున్నారు. తెలుగు, త‌మిళ, హిందీ, క‌న్న‌డ, మలయాళ భాష‌ల్లో ఈ సినిమా గ్రాండ్ రిలీజ్ అవుతుంది.