Samantha: అభిమాని కోరికకు... సామ్‌ సమాధానం!

మయోసైటిస్‌ వ్యాధితో బాధపడుతూ ఇప్పుడిప్పుడే కోలుకుంటున్న సమంత (Samantha) సినిమాలతో బిజీ అయ్యారు. తాజాగా ఆమె నటించిన ‘శాకుంతలం’(Shakuntalam) చిత్రం ప్రమోషన్స్‌తో బిజీ అయ్యారు. గుణశేఖర్‌ (Gunashekar)దర్శకత్వంలో రూపొందిన ఈ సినిమా ఏప్రిల్‌ 14న ప్యాన్‌ ఇండియా స్థాయిలో విడుదల కానుంది. గుణశేఖర్‌ - సమంత ప్రమోషన్స్‌ జోరు పెంచారు. దీనితో భాగంగా యాంకర్‌ సుమతో సమంత ముచ్చటించారు. శాకుంతలం గురించి ఆసక్తికర విషయాలు చెప్పుకొచ్చారు. ఆ వీడియో క్లిప్‌ షేర్‌ చేసిన ఓ అభిమాని ‘‘ఇలా చెప్పేంత చనువు నాకు లేదని, అందుకు ఇది సరైన వేదిక కాదని తెలుసు. ప్లీజ్‌ సామ్‌ మీరు ఎవరితో అయినా డేట్‌ చేయండి’’ (please Date someone) అని తన మనసులో మాట చెప్పాడు ఆ అభిమాని. దీనిపై సమంత స్పందించారు. ఆ అభిమాని చేసిన ట్వీట్‌కు ‘మీలా అంతగా నన్ను ఎవరు ప్రేమిస్తారు?’(Who will love me like you do) అంటూ హార్ట్‌ ఎమోజీని జత చేసింది. సామ్‌ చేసిన ట్వీట్‌ ప్రస్తుతం వైరల్‌ అవుతుంది.

కాళిదాసు రచించిన ‘అభిజ్ఞాన శాకుంతలం’ ఆధారంగా ఈ చిత్రాన్ని రూపొందించారు డైరెక్టర్‌ గుణశేఖర్‌. ఇందులో లీడ్‌ రోల్లో సమంత నటించగా.. దుష్యంతుడిగా మలయాళ నటుడు దేవ్‌ మోహన్‌ కనిపించనున్నారు.