Joruga Husharuga: శ్రీవిష్ణు చేతుల మీదుగా ‘యువరాణి’ విడుదల

ABN , First Publish Date - 2023-09-23T17:09:44+05:30 IST

‘బేబీ’ చిత్రంతో క‌థానాయ‌కుడిగా ప్రేక్ష‌కుల హృద‌యాల్లో త‌న‌కంటూ ఓ ప్ర‌త్యేక స్థానం సంపాందించుకున్న హీరో.. విరాజ్ అశ్విన్. ఆయన ప్రస్తుతం హీరోగా నటిస్తున్న చిత్రం ‘జోరుగా హుషారుగా’. తాజాగా ఈ చిత్రం నుండి ‘యువరాణి యువరాణి’ అనే లిరికల్ సాంగ్‌ను హీరో శ్రీవిష్ణు చేతుల మీదుగా మేకర్స్ విడుదల చేశారు.

Joruga Husharuga: శ్రీవిష్ణు చేతుల మీదుగా ‘యువరాణి’ విడుదల

Sree Vishnu and Viraj Ashwin

‘బేబీ’ (Baby) చిత్రంతో క‌థానాయ‌కుడిగా ప్రేక్ష‌కుల హృద‌యాల్లో త‌న‌కంటూ ఓ ప్ర‌త్యేక స్థానం సంపాందించుకున్న హీరో విరాజ్ అశ్విన్ (Viraj Ashwin). ఇప్పుడాయన హీరోగా న‌టిస్తున్న తాజా చిత్రానికి ‘జోరుగా హుషారుగా’ (Joruga Husharuga) అనే టైటిల్‌ను ఖరారు చేశారు. పూజిత పొన్నాడ (Poojitha Ponnada) హీరోయిన్‌గా నటిస్తున్న ఈ చిత్రంలో సాయికుమార్‌, రోహిణి, మ‌ధునంద‌న్‌, సిరి హ‌నుమంతు, సోనూ ఠాకూర్‌, బ్రహ్మ‌జీ, చ‌మ్మ‌క్ చంద్ర‌ వంటి ఇతర పాత్రలలో నటిస్తున్నారు. అను ప్ర‌సాద్ ద‌ర్శ‌కత్వంలో తెరకెక్కుతోన్న ఈ చిత్రాన్ని శిఖ‌ర అండ్ అక్ష‌ర ఆర్ట్స్ ఎల్ఎల్‌పీ ప‌తాకంపై నిరీష్ తిరువిధుల నిర్మిస్తున్నారు. యూత్‌ఫుల్ ఫ్యామిలీ ఎంట‌ర్‌టైన‌ర్‌గా రూపొందుతున్న ఈ చిత్రం నుంచి తాజాగా ఓ ల‌వ్‌ మెలోడీ లిరిక‌ల్ వీడియోను హీరో శ్రీ‌విష్ణు (Sree Vishnu) చేతుల మీదుగా మేకర్స్ విడుద‌ల చేశారు.

‘ఓ క‌ల‌లా...నువ్వ‌లా.. నిజమ‌య్యావే నువ్వు బంగారు బొమ్మ యువ‌రాణి యువ‌రాణి’ అంటూ సాగిన ఈ పాట‌ను స‌ర‌స్వ‌తి పుత్ర రామ‌జోగ‌య్య శాస్త్రి ర‌చించ‌గా, ర‌ఘు మాస్ట‌ర్ కొరియోగ్ర‌ఫీలో విరాజ్ అశ్విన్‌, పూజిత‌ల‌పై చిత్రీక‌రించారు. ఆర్మ‌ాన్ మాలిక్‌, న‌వ్య‌స‌మీర ఈ పాట‌ను ఆల‌పించారు. ప్రణీత్ మ్యూజిక్‌ ఈ పాటకు స్వరాలను సమకూర్చారు. ఈ పాట విడుదల అనంతరం హీరో శ్రీ‌విష్ణు మాట్లాడుతూ.. ఈ సాంగ్ చూస్తుంటే.. ఈ సినిమా ఒక జెన్యూన్ ల‌వ్ ఎంట‌ర్‌టైన‌ర్‌లా అనిపిస్తుంది. సాంగ్ చాలా బాగుంది. సినిమా కూడా విజయం సాధించాల‌ని కోరుకుంటున్నానని అన్నారు. (Joruga Husharuga Movie Yuvarani Lyrical Song)

విరాజ్ అశ్విన్ మాట్లాడుతూ.. సాంగ్ చాలా క్యాచీగా వుంది. కొత్త‌ద‌నంతో కూడిన క‌థ‌తో ఓ ల‌వ్ ఎంట‌ర్‌టైన‌ర్‌లా ద‌ర్శ‌కుడు ఈ చిత్రాన్ని తెర‌కెక్కించాడు. త‌ప్ప‌కుండా ఈ చిత్రం నా కెరీర్‌కు మ‌రో మంచి స‌క్సెస్‌ఫుల్ చిత్ర‌మ‌వుతుందని తెలపగా.. నిర్మాత మాట్లాడుతూ నేటి యువ‌త‌రం న‌చ్చే అంశాల‌తో అన్ని ఎమోష‌న్స్‌తో రూపొందుతోన్న ఈ చిత్రం కొత్త‌ద‌నం ఆశించే అంద‌రికీ న‌చ్చుతుంది. త్వ‌ర‌లోనే చిత్ర విడుద‌ల తేదీని ప్ర‌క‌టిస్తామని తెలిపారు. కొత్త‌ద‌నంతో నిండిన చిత్రాల‌కు విడుద‌ల విష‌యంలో నా స‌పోర్ట్ ఎల్ల‌ప్పుడూ వుంటుంద‌ని నిర్మాత బెక్కెం వేణుగోపాల్ తెలిపారు. ఈ స‌మావేశంలో ద‌ర్శ‌కుడు అను ప్ర‌సాద్‌, కెమెరామెన్ మ‌హిరెడ్డి పందుగుల త‌దిత‌రులు పాల్గొన్నారు.