Aamir khan: కూతురి పెళ్లి ఇద్దరు మాజీ భార్యలతో మిస్టర్‌ పర్ఫెక్ట్‌
ABN , Publish Date - Jan 04 , 2024 | 06:13 PM
బాలీవుడ్ మిస్టర్‌ పర్ఫెక్ట్‌ ఆమిర్‌ఖాన్‌, రీనా దత్త కుమార్తె ఐరా ఖాన్‌ ఫిట్‌నెస్‌ ట్రైనర్‌ నుపుర్‌ శిఖరేను పెళ్లి చేసుకున్న విషయం తెలిసిందే! ముంబైలోని ఓ హోటల్‌ ఈ వివాహానికి వేదికేౖంది. రిజిస్టర్‌ మ్యారేజీతో ఐరా-నుపుర్‌ ఒక్కటయ్యారు. ఆమిర్‌ మాజీ భార్యలిద్దరు రీనా దత్త, కిరణ్‌ రావు సందడి చేశారు.
బాలీవుడ్ మిస్టర్‌ పర్ఫెక్ట్‌ ఆమిర్‌ఖాన్‌(Aamir khan), రీనా దత్త (Reena dutta) కుమార్తె ఐరా ఖాన్‌ (Ira khan) ఫిట్‌నెస్‌ ట్రైనర్‌ నుపుర్‌ శిఖరేను పెళ్లి చేసుకున్న విషయం తెలిసిందే! ముంబైలోని ఓ హోటల్‌ ఈ వివాహానికి వేదికేౖంది. రిజిస్టర్‌ మ్యారేజీతో ఐరా-నుపుర్‌ ఒక్కటయ్యారు. ఆమిర్‌ మాజీ భార్యలిద్దరు రీనా దత్త, కిరణ్‌ రావు సందడి చేశారు. తల్లిగా రీనా దత్త అన్ని బాధ్యతలు చూసుకొంది. అలాగే రెండో భార్య కిరణ్‌రావు (Kiran rao) కూడా ఈ వేడుకలో పాల్గొంది. ఆమెకు ఆహ్వానం పలికిన ఆమిర్‌ నుదుటన ముద్దు పెడుతూ ఆలింగనం చేసుకున్నారు. దీంతో వేడుకలో పాల్గొన్న సెలబ్రిటీలంతా ఆశ్చర్యానికి లోనయ్యారు. విడాకులు తీసుకుని దూరంగా ఉంటున్న కూడా వీరి మఽధ్య ఆప్యాయత ఏమాత్రం తగ్గలేదంటూ కామెంట్స్‌ చేస్తున్నారు. ప్రస్తుతం ఈ ఫొటోలు నెట్టింట వైరల్‌ అవుతున్నాయి.
ఆమిర్‌ ఖాన్‌- రీనా దత్త కూతురుగా ఐరాఖాన్‌ సినీ ప్రియులకు సుపరిచితమే. గత కొన్నేళ్లుగా ఆమిర్‌ ఖాన్‌కు నుపుర్‌ వ్యక్తిగత ఫిట్‌నెస్‌ ట్రైనర్‌గా ఉన్నారు. దీంతో ఐరా సైతం నుపుర్‌ వద్ద ఫిట్‌నెస్‌ పాఠాలు నేర్చుకుంటున్నారు. ఈ క్రమంలోనే వీరిద్దరి మధ్యప్రేమ చిగురించింది. వీరి ప్రేమకు ఇరు కుటుంబాలు గ్రీన్‌ సిగ్నల్‌ ఇవ్వడంతో 2022 నవంబర్‌లో ఎంగేజ్‌మెంట్‌ చేసుకున్నారు. ఇప్పుడు వైవాహిక బంధంతో ఒక్కటయ్యారు. ఇక ఈ నెల 8న రాజస్థాన లోని ఉదయ్‌పుర్‌లో ఈ జంట మరోసారి వివాహ వేడుక జరుపుకోనుంది. జనవరి 13న ముంబయిలో వివాహ విందు ఏర్పాటు చేయనున్నారు
