Shah Rukh Khan: షారుఖ్ మెగా ప్లాన్.. గెట్ రెడీ టూ విట్‌నెస్
ABN , Publish Date - Nov 19 , 2024 | 08:24 PM
బాలీవుడ్ బిగ్గెస్ట్ కొలాబరేషన్‌తో దేశవ్యాప్తంగా సినీ అభిమానులను మెస్మరైజ్ చేయడానికి సిద్ధమవుతోంది. ఇంతకీ ఆ కొలాబరేషన్ ఏంటంటే..
ఒకవైపు సౌతిండియా సినిమా జోరుతో బాలీవుడ్ ఇండస్ట్రీ కుదేలవుతున్న వేళా మెగా ప్లాన్ చేస్తోంది బాలీవుడ్. భారతీయ సినీ చరిత్రలో బాలీవుడ్ దశాబ్దాల పాటు సింహ స్థానంలో ఉంది రాజ్యం చేసింది అని చెప్పుకోవచ్చు. ఆ రాజ్యానికి రాజుగా ఒకరి పేరును చెప్పాలంటే ఖచ్చితంగా కింగ్ ఖాన్, బాలీవుడ్ బాద్ షా 'షారుఖ్ ఖాన్' అని నిర్మొహమాటంగా చెప్పేయొచ్చు. ఇపుడు ఆ బాద్ షా ఒక బిగ్గెస్ట్ ప్లాన్‌తో రంగంలోకి దిగడానికి సిద్ధమయ్యారు. ఈ సారి స్వయంగా రాజు కాకుండా తన సహచరిని, కుమారుడిని రంగంలోకి ప్రవేశపెట్టనున్నారు. ఇంతకీ ఆ ప్లాన్ ఏంటి? ఏం జరుగుతుందంటే..
బాలీవుడ్ బాద్ షా షారుఖ్ కేవలం ఒక యాక్టర్, ఫిలాసఫర్‌గానే కాకుండా నిర్మాత ప్రత్యేకమైన పేరు సంపాదించుకున్నారు. ఆయన నిర్మాణ సంస్థ రెడ్ చిల్లీస్ ఎంటర్‌టెన్‌మెంట్స్ అద్భుతమైన సినిమాలను తెరకెక్కించడమే కాకుండా దేశంలోనే నంబర్ 1 వీఎఫ్ఎక్స్(VFX) సంస్థగా పేరు తెచ్చుకుంది. ఇదంతా పక్కన పెడితే ప్రస్తుతం రెడ్ చిల్లీస్ ఎంటర్‌టెన్‌మెంట్స్, నెట్‌ఫ్లిక్స్ కొలాబరేషన్‌తో ఒక సిరీస్‌ని ప్లాన్ చేసింది. దీనికి షారుఖ్ తనయుడు ఆర్యన్ ఖాన్ దర్శకత్వం వహించనున్నారు. కాగా, షారుఖ్ వైఫ్ గౌరి ఖాన్ దీనికి ప్రొడ్యూసర్‌గా వ్యవహరించనున్నారు. ఈ సిరీస్ ట్రూలీ బాలీవుడ్ స్టైల్‌లో ఉండనుంది. కానీ.. ఇప్పటివరకు ఎవరు విట్‌నెస్ చేయని బాలీవుడ్‌ని చూపించనున్నారట. ఈ విషయాన్నీ షారుఖ్ తన సోషల్ మీడియా అకౌంట్ల ద్వారా షేర్ చేశాడు. ఈ బిగ్గెస్ట్ కొలాబరేషన్‌కి దేశవ్యాప్తంగా ఫాన్స్ ఎగిరి గంతులేస్తున్నారు.
షారుక్ తన పోస్ట్ లో.. "untamed story telling….controlled chaos…gutsy scenes and lots and lots of fun and emotions" అంటూ పోస్ట్ చేశారు. అలాగే అన్ని బిజినెస్‌లలోకెల్లా షో బిజినెస్ వెరీ డిఫరెంట్ అంటూ విట్‌నెస్ చేయడానికి సిద్ధంగా ఉండమని చెప్పారు.