Thandel: 'బుజ్జి తల్లి' వచ్చేస్తుంది.. తండేల్
ABN , Publish Date - Nov 18 , 2024 | 08:14 PM
రిలీజ్ కాస్త ఆలస్యమైనా 'తండేల్' మూవీ టీమ్ మాత్రం మంచి మెస్మరైజింగ్ అప్డేట్స్‌తో తమ ఊహాలోకానికి తీసుకెళ్లేందుకు రెడీ అవుతున్నారు. అతి తొందర్లోనే ఒక మ్యూజికల్ సర్ప్రైజ్ ఇచ్చేందుకు మూవీ టీమ్ రెడీ అయ్యింది. ఇంతకీ ఆ అప్డేట్ ఏంటంటే..
నాగ చైతన్య హీరోగా, చందూ మొండేటి దర్శకత్వంలో తెరకెక్కుతున్న హైలీ యాంటిసిపేటెడ్ మూవీ ‘తండేల్’. సాయి పల్లవి హీరోయిన్‌గా నటించిన ఈ చిత్రం అల్లు అరవింద్ సమర్పణలో గీతా ఆర్ట్స్ బ్యానర్‌పై బన్నీ వాస్ నిర్మిస్తున్నారు. ఈ సినిమాని 7 ఫిబ్రవరి, 2025న ప్రేక్షకుల ముందుకు రానుంది. ఈ నేపథ్యంలోనే మెస్మరైజింగ్ అప్డేట్స్ తో ఫ్యాన్స్ ఖుషి చేసేందుకు మేకర్స్ సిద్ధమయ్యారు. అతి తొందర్లోనే ఒక మ్యూజికల్ సర్ప్రైజ్ ఇచ్చేందుకు మూవీ టీమ్ రెడీ అయ్యింది. ఇంతకీ ఆ అప్డేట్ ఏంటంటే..
ఈ సినిమాలో మ్యూజిక్ కి మంచి స్కోప్ ఉండనున్నట్లు తెలుస్తోంది. రాక్‌స్టార్ దేవి శ్రీ ప్రసాద్ తన స్కోర్‌తో టీజర్, ఇతర ప్రమోషనల్ కంటెంట్‌తో మెస్మరైజ్ చేశారు. ఈ సినిమా మ్యూజిక్ జర్నీ నవంబర్ 21 నుండి ప్రారంభం కానుంది. 'తండేల్' ఫస్ట్ సింగిల్ బుజ్జి తల్లి సాంగ్ ని నవంబర్ 21న రిలీజ్ చేయనున్నారు. సాంగ్ పోస్టర్‌లో లీడ్ పెయిర్ నాగ చైతన్య, సాయి పల్లవి మధ్య లవ్ అండ్ అఫెక్షన్‌ని అందంగా చూపించారు. నాగ చైతన్య గడ్డంతో రగ్గడ్ చార్మ్‌గా కనిపించగా, సాయి పల్లవి హాఫ్ శారీలో అందంగా ఉంది. వారి స్వచ్ఛమైన ఎక్స్‌ప్రెషన్స్ హ్యాపీనెస్, సినిమాలో వారి బ్యూటీఫుల్ ఆన్-స్క్రీన్ కెమిస్ట్రీని ప్రజెంట్ చేస్తున్నాయి.
కాగా, ఆంధ్రప్రదేశ్‌లోని శ్రీకాకుళం జిల్లాలోని డి మచ్చిలేశం గ్రామంలో జరిగిన నిజ జీవిత సంఘటనల స్ఫూర్తితో ఈ మూవీని రూపొందిస్తున్నారు. లవ్, యాక్షన్, డ్రామా, అడ్రినలిన్ రష్ మూమెంట్స్ బ్లెండ్‌తో ఈ సినిమా ఉండబోతోంది.