Tiger Shroff: మోర్ యాక్షన్.. వన్ మోర్ రీమేక్

ప్రభాస్ 'వర్షం' సినిమాని బాలీవుడ్‌లో రీమేక్ చేస్తూ యంగ్ హీరో టైగర్ ష్రాఫ్, టాలెంటెడ్ బ్యూటీ శ్రద్దా కపూర్ కాంబినేషన్లో తెరకెక్కిన సినిమా 'భాగీ'. ఈ సినిమా 2016లో రిలీజై బ్లాక్ బస్టర్ హిట్‌గా నిలిచింది. విలన్ రోల్‌లో టాలీవుడ్ హీరో సుధీర్ వర్మ అద్భుతంగా యాక్ట్ చేశారు. అయితే ఈ సినిమా ప్రాంచైజీగా మారి దశల వారిగా భాగీ 2, భాగీ 3 చిత్రాలుగా రిలీజ్ అయ్యింది. కాగా, ఇటీవల 'భాగీ 4' చిత్రాన్ని తెరకెక్కిస్తున్నట్లు నిర్మాతలు ప్రకటించిన విషయం తెలిసిందే. తాజాగా 'భాగీ 4' ఫస్ట్ లుక్ పోస్టర్‌ని విడుదల చేశారు. ఆ పోస్టర్ ఎలా ఉందంటే..

బాలీవుడ్ యంగ్ అండ్ యాక్షన్ హీరో టైగర్ ష్రాఫ్ కెరీర్ లో వరుసగా యాక్షన్ ఫిల్మ్స్‌తో దూసుకెళ్తున్నాడు. 2016లో 'వర్షం' సినిమాని 'భాగీ'గా రీమేక్ చేసిన ఆయన తర్వాత అడివి శేష్ 'క్షణం' సినిమాని భాగీ 2, మరో తమిళ్ ఫిల్మ్ ని భాగీ 3గా రీమేక్ చేశారు. తాజాగా కన్నడ దర్శకుడు ఏ. హర్ష దర్శకత్వంలో 'భాగీ 4'ని తెరకెక్కిస్తున్నారు. తాజాగా ఈ సినిమా పోస్టర్ ని రిలీజ్ చేశారు. ఇందులో టైగర్ ష్రాఫ్ ఒంటి నిండా రక్తంతో ఒక చేతిలో కత్తి పట్టుకొని మరో చేతిలో మందు బాటిల్ తో ఫైటింగ్ మోడ్ లో యాక్షన్ ప్యాక్‌డ్ గా కనిపించారు. దీంతో బాలీవుడ్ యాక్షన్ ఫిల్మ్స్ ఫ్యాన్స్ ఖుషి అవుతున్నారు.

మరోవైపు ఇది ఇంతకీ ఏ సినిమా రీమేక్ అంటూ కొందరు ట్రోల్ చేస్తున్నారు. కబీర్ సింగ్, యానిమల్ సినిమాల లైట్ వెర్షన్‌ల ఉందంటూ కామెంట్ చేస్తున్నారు. భాగీ 1కి షబ్బీర్ ఖాన్ దర్శకత్వం వహించగా 2, 3 లను అహ్మద్ ఖాన్ డైరెక్ట్ చేశారు. ఫస్ట్ అండ్ థర్డ్ పార్టు‌లలో శ్రద్దా కపూర్ హీరోయిన్ గా నటించగా సెకండ్ పార్ట్‌లో దిశా పటాని నటించారు. ఇక టైగర్ ష్రాఫ్ తన మొదటి సినిమా 'హీరోపంటి'తో అల్లు అర్జున్ 'పరుగు' సినిమాని రీమేక్ చేసి రీమేక్స్ షురూ చేశారు.