Vivek Ranjan Agnihotri: ‘ది దిల్లీ ఫైల్స్‌’.. రిలీజ్ ఎప్పుడంటే
ABN , Publish Date - Nov 10 , 2024 | 07:14 PM
వివేక్‌ అగ్నిహోత్రి ప్రస్తుతం మరో సంచలనానికి తెరదీస్తూ ‘ది దిల్లీ ఫైల్స్‌’ను ప్రకటించారు. దీనిపై ఆయన తాజా అప్డేట్ ఇచ్చారు. ఇంతకీ ఆ అప్డేట్ ఏంటంటే..
వివేక్‌ అగ్నిహోత్రి ( Vivek Ranjan Agnihotri ) దర్శకత్వంలో వచ్చిన ‘ది కశ్మీర్‌ ఫైల్స్‌’ ( The kashmir Files ) ఎంతగా సంచలనం సృష్టించింతో తెలిసిందే! ప్రస్తుతం ఆయన మరో సంచలనానికి తెరదీస్తూ ‘ది దిల్లీ ఫైల్స్‌’ను ప్రకటించారు. దీనిపై ఆయన తాజా అప్డేట్ ఇచ్చారు. ఇంతకీ ఆ అప్డేట్ ఏంటంటే..
‘ది దిల్లీ ఫైల్స్‌’ సినిమాకి ‘ది బెంగాల్‌ ఛాప్టర్‌’ అనే ఉపశీర్షికతో ఆయన ఈ చిత్రంలో ఎలాంటి పెద్దస్టార్స్‌ లేకుండా తెరకెక్కిస్తున్నారు. కాగా ఈ సినిమాని ‘ది కశ్మీర్‌ ఫైల్స్‌’ నిర్మించిన తెలుగు ప్రొడక్షన్ కంపెనీ అభిషేక్‌ అగర్వాల్ ఆర్ట్స్‌ పతాకంపై అభిషేక్‌ అగర్వాల్ నిర్మిస్తున్నారు. తాజాగా ఈ మూవీ రిలీజ్ డేట్‌ని అనౌన్స్ చేశారు మేకర్స్. ఇండిపెండెన్స్ డే సందర్భంగా వచ్చే ఏడాది ఆగష్టు 15న ఈ సినిమాని రిలీజ్ చేయనున్నారు. మరోవైపు ఏఈ సినిమాని రెండు భాగాలుగా తెరకెక్కిస్తున్నట్లు సమాచారం. బెంగాల్‌లో ఎన్నికల ముందు ఈ సినిమా రిలీజ్ కానుండటంతో దేశ రాజాకీలల్లో ఈ సినిమా ప్రకంపనలు సృష్టించబోతుందని పలువురు అభిప్రాయపడుతున్నారు.
