వర్క్‌ పూర్తి చేసిన అక్షయ్‌

డాక్టర్‌ మోహన్‌ బాబు, మోహన్‌లాల్‌, ప్రభాస్‌, శరత్‌కుమార్‌ వంటి మేటి నటులతో రూపుదిద్దుకొంటున్న ‘కన్నప్ప’ చిత్రంలో విష్ణు మంచు టైటిల్‌ పాత్ర పోషిస్తున్నారు. ఈ సినిమా షూటింగ్‌ కోసం ఇటీవల వచ్చిన బాలీవుడ్‌ నటుడు అక్షయ్‌కుమార్‌ తన సన్నివేశాలకు సంబంధించిన వర్క్‌ పూర్తి చేశారు. ఈ విషయాన్ని మంచు విష్ణు సోషల్‌ మీడియాలో షేర్‌ చేసుకున్నారు. ‘అక్షయ్‌కుమార్‌తో పని చేయడం ఆనందంగా ఉంది. ఆయన నుంచి ఎంతో నేర్చుకున్నాను. ఈ ప్రయాణం ఎంతో విలువైంది’ అని పేర్కొన్నారు విష్ణు. ముఖేశ్‌కుమార్‌ దర్శకత్వంలో మోహన్‌బాబు నిర్మిస్తున్న ఈ చిత్రం షూటింగ్‌ చివరి దశకు చేరుకుంది.