Multi-starrer: బెల్లంకొండ, నారా రోహిత్ మల్టీ స్టారర్, దర్శకుడు ఎవరో తెలుసా...
ABN , Publish Date - Jul 27 , 2024 | 12:34 PM
బెల్లంకొండ సాయి శ్రీనివాస్, నారా రోహిత్ లు ఒక మల్టీ స్టారర్ సినిమా చెయ్యాలని నిర్ణయించుకున్నారు. కథ నచ్చడంతో, ఈ ఇద్దరు నటులు ఒక మల్టీ స్టారర్ సినిమాతో ఈసారి ప్రేక్షకులను అలరించాలని అనుకున్నారు. ఆగస్టు మొదటి వారంలో ఈ సినిమా ప్రారంభం అయ్యే సూచనలు ఉన్నాయని అనుకుంటున్నారు
తెలుగు సినిమా పరిశ్రమలో ఇప్పుడు మల్టీస్టారర్స్ మళ్ళీ మొదలవుతున్నాయి. తాజా సమాచారం ప్రకారం ఇద్దరు యువ నటులు మల్టీ స్టారర్ సినిమా చెయ్యాలని నిర్ణయించుకున్నట్టుగా తెలుస్తోంది. బెల్లంకొండ సాయి శ్రీనివాస్, నారా రోహిత్ ఈ ఇద్దరూ కలిసి ఒక మల్టీ స్టారర్ సినిమాలో నటించనున్నారని తెలిసింది. ఈ సినిమా ఆగస్టు మొదటి వారంలో అధికారికంగా లాంచ్ అయ్యే సూచనలు కూడా కనిపిస్తున్నాయి. (Bellamkonda Sai Sreenivas and Nara Rohit decided to act together in a multi-starrer, saya a source)
బెల్లంకొండ సాయి శ్రీనివాస్ వరస సినిమాలతో బిజీగా వున్నారు, అలాగే నారా రోహిత్ కూడా ఇప్పుడు బిజీ అయిపోయారు. అయినా కూడా ఈ ఇద్దరికీ ఒక కథ నచ్చడంతో ఇద్దరూ కలిసి సినిమా చెయ్యాలని నిర్ణయించుకోవటం ఒక శుభ పరిణామం అని చెప్పాలి. 'నాంది' లాంటి ఒక మంచి సినిమాని అందించిన విజయ్ కనకమేడల ఈ మల్టీ స్టారర్ సినిమాకి దర్శకత్వం వహిస్తున్నట్టుగా భోగట్టా. (Vijay Kanakamedala of 'Naandhi' fame is all set to direct a multi starrer that stars Bellamkonda Sai Sreenivas and Nara Rohit)
ఈ మల్టీ స్టారర్ సినిమాని ప్రముఖ నిర్మాత కెకె రాధామోహన్ నిర్మించనున్నారని తెలుస్తోంది. విజయ్ కనకమేడల కథని ఈ ఇద్దరి నటులకి వినిపించినప్పుడు వారిద్దరికీ ఈ కథ ఎంతగానో నచ్చి ఇద్దరూ ఈ సినిమా చెయ్యడానికి నిర్ణయించుకున్నట్టుగా తెలుస్తోంది. ఆగస్టులో ఈ సినిమాకి ముహూర్తం కూడా సెట్ చేసినట్టుగా కూడా ఒక భోగట్టా.
విజయ్ కనకమేడల ఇంతకు ముందు అల్లరి నరేష్ కథానాయకుడిగా 'నాంది' అనే ఒక మంచి సినిమా చేశారు. దర్శకుడిగా అతని ప్రతిభకి ఆ సినిమా ఒక మంచి నిదర్శనం. అటువంటి విజయ్ ఇప్పుడు ఈ మల్టీ స్టారర్ సినిమా చేస్తున్నారు అంటే, ఈ సినిమాపై అంచనాలు పెద్దగా ఉన్నాయని అంటున్నారు.