Fouja: ఫౌజా.. సినిమాకి సరిహద్దలు లేవని నిరూపించిన మరో సినిమా
ABN , Publish Date - Oct 27 , 2024 | 08:48 PM
సినిమాకి సరిహద్దులు లేవని నిరూపించిన మరో సినిమా 'ఫౌజా'. హిందీలో రిలీజైన ఈ సినిమా ఇప్పటికే మూడు జాతీయ అవార్డులను కొల్లగొట్టింది. ఈ క్రమంలోనే ఈ సినిమాని తెలుగులో రిలీజ్ చేయనున్నారు.
అజిత్ దాల్మియా నిర్మాణంలో ప్రమోద్ కుమార్ తెరకెక్కించిన ‘ఫౌజా’ చిత్రానికి మూడు జాతీయ అవార్డులు వచ్చిన సంగతి తెలిసిందే. కార్తీక్ దమ్ము, ఐశ్వర్యా సింగ్, పవన్ మల్హోత్ర ప్రధాన పాత్రల్లో రాహి ప్రొడక్షన్స్ అండ్, పీకే ప్రొడక్షన్ సమర్పణలో వచ్చిన ‘ఫౌజా’ హిందీ ఆడియెన్స్‌ను ఆకట్టుకుంది. ఇక ఇప్పుడు తెలుగు ప్రేక్షకుల ముందుకు ఈ చిత్రాన్ని తీసుకు రాబోతోన్నారు. ఈ మూవీని హైదరాబాద్ లోని ప్రసాద్ ల్యాబ్స్‌లో ప్రత్యేకంగా ప్రదర్శించారు. ఈ కార్య‌క్ర‌మంలో చిత్ర క‌థానాయ‌కుడు కార్తీక్ దమ్ము, హీరో విజ‌య్ ధరన్ దాట్ల, ఏపీ అడిషనల్ చీఫ్ సెక్రటరీ దమ్ము మురళీ మోహన్, హర్యాన ప్రిన్సిపల్ సెక్రటరీ డా. డి. సురేష్, శ్రీమతి కాంతి డి. సురేష్ ముఖ్య అతిథులుగా హాజరయ్యారు.
హీరో కార్తీక్ దమ్ము మాట్లాడుతూ.. ‘నేను హైద్రాబాద్‌లో పుట్టాను. మళ్లీ ఇలా నా సినిమా కోసం ఇక్కడకు రావడం ఆనందంగా ఉంది. సినిమాకి భాషా సరిహద్దులు ఉండవు. మ‌రీ ముఖ్యంగా ఇలాంటి చిత్రానికి భాషతో సంబంధం ఉండదు. త్వరలోనే తెలుగు, తమిళ భాషల్లోకి ఈ చిత్రం రానుంది. అందరూ మా సినిమాను చూసి ఎంజాయ్ చేయండి’ అని అన్నారు. విజ‌య్ ధరన్ దాట్ల మాట్లాడుతూ ‘‘ఫౌజా’ ఎప్ప‌టికీ ఎవ‌ర్‌గ్రీన్ మూవీ. ఈ సినిమాకు మూడు నేష‌న‌ల్ అవార్డ్స్ వ‌చ్చాయి. త్వరలోనే దీన్ని తెలుగులో విడుద‌ల చేయ‌టానికి మేక‌ర్స్ స‌న్నాహాలు చేస్తున్నారు. కార్తీక్, అజిత్ దాల్మియా, ప్రమోద్ కుమార్ స‌హా ఎంటైర్ టీమ్‌కు కంగ్రాట్స్‌’’ అన్నారు.
Also Read-Star Heroine: ఈ ఫొటోలోని పాప ఇప్పుడొక స్టార్ హీరోయిన్.. ఎవరో కనిపెట్టండి చూద్దాం!
చిత్ర నిర్మాత అజిత్ దాల్మియా మాట్లాడుతూ.. ‘మా ఫౌజా చిత్రాన్ని తెలుగు ప్రేక్షకులు ఆదరిస్తారని, ఆదరించాలని కోరుకుంటున్నాను’ అని అన్నారు. ఇక ద‌ర్శ‌కుడు ప్రమోద్ కుమార్ మాట్లాడుతూ.. ‘డబ్బులు ఎన్ని ఉన్నా కూడా బ్రాండెండ్ బట్టలని కొనగలం.. కానీ ఇండియన్ ఆర్మీ యూనిఫాంని మాత్రం కొనలేం.. దాన్ని కష్టంతో, ఇష్టంతో సాధించుకోవాలి.. దేశ భక్తి ఉంటేనే అది మన సొంతం అవుతుంది. దేశం అంటే ప్రేమ, భక్తి ఉన్న ప్రతీ ఒక్కరికి ఫౌజా నచ్చుతుంది. త్వరలోనే మా ఈ చిత్రం తెలుగు ప్రేక్షకుల ముందుకు రానుంది’ అని అన్నారు.