Revolver Rita: కీర్తి సురేశ్‌ ‘రివాల్వర్ రీటా’ తెలుగు రాష్ట్రాల రైట్స్ ఎవరికంటే..
ABN , Publish Date - Nov 05 , 2024 | 08:25 PM
నేషనల్ అవార్డ్‌ విన్నింగ్‌ హీరోయిన్ కీర్తి సురేశ్‌ టైటిల్ పాత్రలో నటిస్తున్న మోస్ట్ అవైటెడ్ ప్రాజెక్ట్ ‘రివాల్వర్ రీటా’. ఈ చిత్ర తెలుగు రాష్ట్రాల హక్కులను టాలీవుడ్‌లో సక్సెస్ ఫుల్ చిత్రాలతో దూసుకెళుతోన్న నిర్మాత సొంతం చేసుకున్నారు. ఆ వివరాలలోకి వెళితే..
నేషనల్ అవార్డ్‌ విన్నింగ్‌ హీరోయిన్ కీర్తి సురేశ్‌ (Keerthi Suresh) టైటిల్ పాత్రలో నటిస్తున్న మోస్ట్ అవైటెడ్ ప్రాజెక్ట్ ‘రివాల్వర్ రీటా’ (Revolver Rita). రాధిక శరత్‌కుమార్, రెడిన్ కింగ్స్లీ కీలక పాత్రలు పోషిస్తున్న ఈ చిత్రానికి జే.కే చంద్రు దర్శకత్వం వహిస్తున్నారు. ప్యాషన్ స్టూడియోస్ అండ్ ది రూట్ బ్యానర్స్ పై సుధన్ సుందరం (మహారాజ్ నిర్మాత), జగదీష్ పళనిస్వామి నిర్మిస్తున్నారు. ఇప్పటికే విడుదలైన ఈ సినిమా టీజర్ మంచి బజ్ క్రియేట్ చేసిన విషయం తెలిసిందే. ఈ చిత్రానికి సంబంధించి తెలుగు రాష్ట్రాల రైట్స్ ఫ్యాన్సీ రేటుకి హాస్య మూవీస్ సంస్థ సొంతం చేసుకుంది.
Also Read-KA: ‘క’ సినిమాలో చూపించిన ఆ గ్రామం నిజంగానే ఉంది.. ఎక్కడో తెలుసా
తెలుగులో సక్సెస్ ఫుల్ చిత్రాలతో దూసుకెళుతోన్న హాస్య మూవీస్ (Hasya Movies) సంస్థ కీర్తి సురేష్ ‘రివాల్వర్ రీటా’ చిత్ర హక్కులను సొంతం చేసుకోవడంతో సినిమాపై కూడా మంచి బజ్ ఏర్పడుతోంది. ఏపీ, తెలంగాణ రాష్ట్రాలలో హాస్య మూవీస్ ప్రొడ్యూసర్ రాజేష్ దండా ఈ చిత్రాన్ని గ్రాండ్‌గా విడుదల చేసేందుకు సన్నాహాలు చేస్తున్నారు. ఈ చిత్ర హక్కులను ఫ్యాన్సీ రేటుకు సొంతం చేసుకోవడంపై ఆయన సంతోషం వ్యక్తం చేశారు. ఈ సినిమా ఖచ్చితంగా తెలుగు ప్రేక్షకులకు అలరించి ఘన విజయాన్ని అందుకుంటుందని ఆయన ఆశాభావం వ్యక్తం చేశారు. సీన్ రోల్డాన్ మ్యూజిక్ అందిస్తున్న ఈ చిత్రానికి ప్రవీణ్ కె ఎల్ ఎడిటర్‌గా, దిలీప్ సుబ్బరాయన్ స్టంట్స్ మాస్టర్‌గా బాధ్యతలను నిర్వహిస్తున్నారు.