Raj Dasireddy: యాక్షన్ చిత్రంతో ‘భద్రం బి కేర్ ఫుల్ బ్రదరు’ హీరో రీ ఎంట్రీ
ABN , Publish Date - Oct 23 , 2024 | 09:14 PM
దర్శకసంచలనం మారుతి దర్శకత్వ పర్యవేక్షణలో తెరకెక్కిన ‘భద్రం బి కేర్ ఫుల్ బ్రదరు’ చిత్రంతో హీరోగా పరిచయమైన యంగ్ హీరో రాజ్ దాసిరెడ్డి రీ ఎంట్రీ ఇవ్వబోతున్నారు. ఈసారి ఆయన యాక్షన్ ఎంటర్‌టైనర్‌తో ప్రేక్షకుల ముందుకు రాబోతున్నారు. ఆ వివరాల్లోకి వెళితే..
దర్శకసంచలనం మారుతి (Director Maruthi) దర్శకత్వ పర్యవేక్షణలో తెరకెక్కిన ‘భద్రం బి కేర్ ఫుల్ బ్రదరు’ (Bhadram Be Careful Brotheru) చిత్రంతో హీరోగా పరిచయమైన యంగ్ హీరో రాజ్ దాసిరెడ్డి (Raj Dasireddy) త్వరలో ఓ యాక్షన్ ఎంటర్‌టైనర్ చిత్రంతో ప్రేక్షకుల ముందుకు వచ్చేందుకు సన్నాహాలు చేసుకుంటున్నారు. అమెరికా, ఊటీ, హైదరాబాద్, వైజాగ్ తదితర ప్రదేశాల్లో రూపొందే ఈ ఔట్ అండ్ ఔట్ యాక్షన్ కథా చిత్రం కోసం దాసిరెడ్డి అమెరికాలో యాక్షన్‌కు సంబంధించిన పలు అంశాల్లో ప్రత్యేక శిక్షణ తీసుకుంటున్నట్లుగా చెప్పుకొచ్చారు.
Also Read-Pushpa 2 The Rule: ఒక రోజు ముందే థియేటర్లలోకి..
‘భద్రం బి కేర్ ఫుల్ బ్రదరు’ సినిమా తర్వాత తెలుగులో పలు ఆఫర్స్ వచ్చినప్పటికీ.. అదే సమయంలో ఓ హాలీవుడ్ ప్రాజెక్ట్‌లో నటించే అవకాశం రావడంతో అక్కడికి వెళ్లానని.. అయితే అనివార్య కారణాల వల్ల ఆ ప్రాజెక్ట్ అసాధారణ రీతిలో ఆలస్యమవుతుండడంతో.. ఈ యాక్షన్ ఎంటర్‌టైనర్ చేసేందుకు గ్రీన్ సిగ్నల్ ఇచ్చినట్లుగా రాజ్ దాసిరెడ్డి చెప్పుకొచ్చారు. ప్రస్తుతం ప్రీ ప్రొడక్షన్ పనులు జరుపుకుంటున్న ఈ సినిమాకి సంబంధించిన పూర్తి వివరాలు త్వరలోనే అధికారికంగా వెల్లడి కానున్నాయని ఈ తెలుగుతేజం చెప్పుకొచ్చారు. ఈ యాక్షన్ ఎంటర్‌టైనర్ చిత్రం తనకు కమ్ బ్యాక్ ఫిల్మ్‌గా మంచి సక్సెస్‌ని ఇస్తుందని రాజ్ దాసిరెడ్డి ఆశాభావం వ్యక్తం చేశారు.