Killer: ‘కిల్లర్’లో జ్యోతి పూర్వజ్ లుక్ చూశారా..
ABN , Publish Date - Nov 03 , 2024 | 03:13 PM
జ్యోతి పూర్వజ్.. పలు సూపర్ హిట్ సీరియల్స్, సినిమాల్లో నటించి పాన్ ఇండియా వీక్షకుల ఆదరణ పొందడంతో పాటు సోషల్ మీడియాలో ఎంతో క్రేజ్ తెచ్చుకున్న నటి. ఆమె ప్రధాన పాత్రలో నటిస్తోన్న ‘కిల్లర్’ మూవీ ఫస్ట్ లుక్ మోషన్ పోస్టర్‌ని మేకర్స్ విడుదల చేశారు. ఈ లుక్ ఎలా ఉందంటే..
జ్యోతి పూర్వజ్ (Jyoti Poorvaj).. పలు సూపర్ హిట్ సీరియల్స్, సినిమాల్లో నటించి పాన్ ఇండియా వీక్షకుల ఆదరణ పొందడంతో పాటు సోషల్ మీడియాలో ఎంతో క్రేజ్ తెచ్చుకున్న నటి. ఆమె ప్రధాన పాత్రలో.. ‘శుక్ర’, ‘మాటరాని మౌనమిది’, ‘ఏ మాస్టర్ పీస్’ వంటి డిఫరెంట్ సినిమాలతో మూవీ లవర్స్ దృష్టిని ఆకట్టుకుంటోన్న దర్శకుడు పూర్వాజ్ (Director Poorvaaj) ‘కిల్లర్’ (Killer) అనే సెన్సేషనల్ యాక్షన్ థ్రిల్లర్ మూవీని రూపొందిస్తున్నారు. ఏయు అండ్ఐ మరియు మెర్జ్ ఎక్స్ ఆర్ సంస్థతో కలిసి థింక్ సినిమా బ్యానర్‌పై ఈ చిత్రాన్ని నిర్మిస్తున్నారు పూర్వాజ్ ప్రజయ్ కామత్, ఎ. పద్మనాభరెడ్డి. ఈ కొలాబ్రేషన్‌లో నిర్మాణమవుతున్న రెండో సినిమా ఇది. దర్శకత్వంలో పాటు పూర్వాజ్ ‘కిల్లర్’ చిత్రంలో ఓ కీలక పాత్రలో నటిస్తున్నారు కూడా. ఆదివారం ‘కిల్లర్ పార్ట్ 1 డ్రీమ్ గర్ల్’ (Killer: Part 1 - Dream Girl) మూవీ నుంచి జ్యోతి పూర్వజ్ క్యారెక్టర్ ఫస్ట్ లుక్‌తో పాటు మోషన్ పోస్టర్‌ను మేకర్స్ రిలీజ్ చేశారు.
Also Read- Malavika Mohanan: టాలీవుడ్‌ ఎంట్రీనే ప్రధానం.. ప్ర‌భాసే కాపాడాలి
ఈ ఫస్ట్ లుక్ మోషన్ పోస్టర్ ఎలా ఉందంటే.. చేతిలో గొడ్డలి పట్టుకున్న పవర్ ఫుల్ వుమెన్ రోబోను పరిచయం చేశారు. ఆ రోబో జ్యోతి పూర్వజ్ క్యారెక్టర్‌గా మారడం ఆసక్తికరంగా ఉంది. జ్యోతి పూర్వజ్ క్యారెక్టర్ లుక్‌లో ఆమె ఒక భుజానికి వెజిటేబుల్స్ బ్యాగ్, మరో చేతిలో గొడ్డలి పట్టుకుని ఉంది. అద్దంలో ఆమె రిఫ్లెక్షన్ పవర్ ఫుల్ వుమెన్ రోబోను చూపిస్తోంది. మోషన్ పోస్టర్‌లో చూపించిన ఎలిమెంట్స్ అన్నీ ‘కిల్లర్’ మూవీపై ఆసక్తిని పెంచుతున్నాయి. ఈ మూవీకి అషీర్ ల్యూక్, సుమన్ జీవరత్నం సంగీతం అందిస్తున్నారు. ఈ మూవీకి సంబంధించిన మరిన్ని వివరాలను త్వరలోనే మేకర్స్ తెలియజేయనున్నారు.