Kanguva: ‘కంగువ’ రిలీజ్ ట్రైలర్ ఎలా ఉందంటే..
ABN , Publish Date - Nov 10 , 2024 | 11:48 PM
కోలీవుడ్ స్టార్ హీరో సూర్య నటిస్తున్న ప్రెస్టీజియస్ మూవీ ‘కంగువ’. ఈ చిత్రాన్ని భారీ పీరియాడిక్ యాక్షన్ ఫిల్మ్ గా దర్శకుడు శివ రూపొందిస్తున్నారు. నవంబర్ 14న ప్రపంచవ్యాప్తంగా విడుదలకు సిద్ధమైన ఈ చిత్ర రిలీజ్ ట్రైలర్‌ను ఆదివారం మేకర్స్ విడుదల చేశారు. ఈ ట్రైలర్ ఎలా ఉందంటే..
కోలీవుడ్ స్టార్ హీరో సూర్య నటిస్తున్న ప్రెస్టీజియస్ మూవీ ‘కంగువ’. ఈ చిత్రాన్ని భారీ పీరియాడిక్ యాక్షన్ ఫిల్మ్ గా దర్శకుడు శివ రూపొందిస్తున్నారు. దిశా పటానీ, బాబీ డియోల్ కీలక పాత్రల్లో నటిస్తున్నారు. ఈ సినిమాను హ్యూజ్ బడ్జెట్‌తో ప్రముఖ నిర్మాణ సంస్థలు స్టూడియో గ్రీన్, యూవీ క్రియేషన్స్ బ్యానర్స్ పై కేఈ జ్ఞానవేల్ రాజా, వంశీ, ప్రమోద్ నిర్మిస్తున్నారు. ఈ సినిమాను నైజాం ఏరియాలో మైత్రీ మూవీ డిస్ట్రిబ్యూటర్స్ రిలీజ్ చేస్తున్న విషయం తెలిసిందే. ‘కంగువ’ సినిమా ఈ నెల 14న ప్రపంచవ్యాప్తంగా గ్రాండ్ థియేట్రికల్ రిలీజ్‌కు రెడీ అవుతోన్న సందర్భంగా మేకర్స్ ఆదివారం చిత్ర రిలీజ్ ట్రైలర్ విడుదల చేశారు. ఇప్పటికే విడుదలైన ఈ సినిమా థియేట్రికల్ ట్రైలర్ సినిమాపై భారీగా అంచనాలను పెంచేయగా.. తాజాగా వదిలిన రిలీజ్ ట్రైలర్ కూడా సినిమాపై భారీగా అంచనాలను పెంచేదిగా ఉంది.
Also Read-Allu Arjun: అల్లు అర్జున్‌ని మార్చేసిన వెపన్‌ ఏంటో తెలుసా..
ఈ రిలీజ్ ట్రైలర్ ఎలా ఉందంటే.. వెయ్యిళ్ల కిందట ఐదు తెగల మధ్య సాగే పోరాటం నేపథ్యంగా, ఓటమి ఎరుగని ధీరుడైన నాయకుడు కంగువను ఒకవైపు, ప్రస్తుత కాలంలోని స్టైలిష్ హీరోను మరోవైపు చూపిస్తూ ట్రైలర్ మొదలైంది. వెయ్యేళ్ల కిందట కంగువ చేసిన ప్రామిస్ ఏంటి, ఆ మాటను ఈనాటి కథానాయకుడు ఎలా నిలబెట్టాడు అనేది ఆసక్తికరంగా చూపిస్తూ ఈ ట్రైలర్ సాగింది. ఒక వీరుడి ప్రతిజ్ఞ ఏంటి? అతన్ని మోసం చేసిందెవరు? ఆ వీరుడు పునర్జన్మ ఎత్తాడా? అతను నిలబెట్టిన గౌరవం ఎలాంటిది? అనే అంశాలతో క్యూరియాసిటీ క్రియేట్ చేశారు. వెయ్యేళ్ల కిందటి కంగువ ప్రపంచాన్ని ఎలా క్రియేట్ చేశారో, అంతే అల్ట్రా మోడరన్‌గా నేటి కథానాయకుడి ప్రపంచాన్ని ఆవిష్కరించారు. ఈ రెండు పాత్రల్లో సూర్య నట విశ్వరూపం కనిపించింది. రాక్ స్టార్ దేవిశ్రీ ప్రసాద్ కంపోజ్ చేసిన ‘ధీర ధీర కదన విహార..ధీర’ పాట బీజీఎం ‘కంగువ’ ట్రైలర్ ఇంటెన్సిటీ పెంచింది. ‘కంగువ’ సినిమా మీద మరిన్ని అంచనాలు పెంచేలా ఈ రిలీజ్ ట్రైలర్ ఉండి ఆకట్టుకుంటోంది.