ఈ మధ్య కాలంలో స్టార్ హీరోల సినిమాలకు టీజర్, ట్రైలర్ విడుదల సమయంలో ఎలా అయితే చెప్పిన టైమ్‌కి విడుదల చేయకుండా.. టెక్నికల్ ప్రాబ్లమ్ అంటూ సమయం గడిపేస్తుంటారో.. అలాగే సేమ్ టు సేమ్ ఇప్పుడు కిరణ్ అబ్బవరం (Kiran Abbavaram) ‘క’ సినిమా ట్రైలర్ విడుదల విషయంలో కూడా కన్ఫ్యూజన్ నెలకొంది. మొదట ఈ ట్రైలర్‌ను గురువారం సాయంత్రం 5 గంటల 1 నిమిషానికి రిలీజ్ చేస్తున్నట్లుగా అధికారికంగా ప్రకటించారు. కానీ ఆ టైమ్‌కి ట్రైలర్ విడుదల కాలేదు. హీరో కిరణ్ అబ్బవరం క్షమించాలని కోరుతూ.. ట్రైలర్ సాయంత్రం 7 గంటలకు అని ట్వీట్ చేశారు. అయితే 7 కాదు 8 అయినా ట్రైలర్ విడుదల కాలేదు. ఈ ట్రైలర్ విడుదల కోసమని ప్లాన్ చేసిన ఈవెంట్‌ని కూడా క్యాన్సిల్ చేశారు. అసలేమై ఉంటుందా అని కిరణ్ అబ్బవరం ఫ్యాన్స్ ఒకటే కామెంట్స్ చేస్తున్నారు. దీంతో చిత్రయూనిట్ ఈ రోజు ట్రైలర్ విడుదల కావడం లేదంటూ వివరణ ఇచ్చింది.

Also Read- Mahesh Babu: నువ్వు కాపాడిన 3772వ ప్రాణం సామీ..

కొన్ని సాంకేతిక సమస్యల కారణంగా ‘క’ ట్రైలర్ విడుదలను వాయిదా వేయడం జరిగింది. ఆలస్యానికి ఎంతగానో చింతిస్తూ క్షమాపణలు కోరుతున్నాం. ది బెస్ట్ థింగ్స్ విల్ కమ్ ఎట్ ది బెస్ట్ టైమ్ అంటూ.. ఈ చిత్ర ట్రైలర్‌ని శుక్రవారం ఉదయం 10 గంటల 5 నిమిషాలకు విడుదల చేయబోతున్నట్లుగా మేకర్స్ తెలియజేశారు. దీంతో అభిమానులు బాగా డిజప్పాయింట్ అయ్యామని, అలాగే అంత వెయిట్ చేయించి ఉసూరు మనిపించారు కదన్నా.. అంటూ కామెంట్స్ చేస్తున్నారు.

‘క’ విషయానికి వస్తే.. హీరో కిరణ్ అబ్బవరం నటిస్తున్న భారీ పీరియాడిక్ థ్రిల్లర్ సినిమా ‘క’ (Ka Movie). నయన్ సారిక, తన్వీ రామ్ హీరోయిన్లుగా నటించారు. శ్రీమతి చింతా వరలక్ష్మి సమర్పణలో శ్రీచక్రాస్ ఎంటర్‌టైన్‌మెంట్స్‌ బ్యానర్‌పై చింతా గోపాలకృష్ణ రెడ్డి భారీ ప్రొడక్షన్ వ్యాల్యూస్‌తో నిర్మించారు. దర్శక ద్వయం సుజీత్, సందీప్ విలేజ్ బ్యాక్ డ్రాప్ యాక్షన్ థ్రిల్లర్ కథతో ‌ఈ సినిమాను తెరకెక్కించారు. ఈ నెల 31న దీపా‌వళి పండుగ సందర్భంగా తెలుగుతో పాటు తమిళ, మలయాళ, కన్నడలో గ్రాండ్ థియేట్రికల్ రిలీజ్‌కు ఈ సినిమా రెడీ అవుతోంది.

Also Read-

Ka Trailer: కిరణ్ అబ్బవరం ‘క’ సినిమా ట్రైలర్.. మ్యాట‌ర్ చాలానే ఉందిగా

సినిమా చూసి.. ‘ల‌వ్ రెడ్డి’ న‌టుడిపై మ‌హిళ దాడి’ వీడియో వైరల్

తార‌క‌ర‌త్న కూతురు.. హాఫ్ శారీ ఫంక్ష‌న్

Pushpa 2 The Rule: ఒక రోజు ముందే థియేటర్లలోకి..

-మరిన్ని సినిమా వార్తల కోసం ఇక్కడ క్లిక్ చేయండి