M4M: ‘ఎంఫోర్ఎం’ హిందీ ట్రైలర్‌ను ఎక్కడ విడుదల చేశారో తెలుసా..

డైరెక్ట‌ర్, మూవీ మేకర్ మోహన్ వడ్లపట్ల తెర‌కెక్కించిన M4M (Motive For Murder) మూవీ హిందీ ట్రైలర్ ప్రతిష్టాత్మక గోవా ఫిలిం ఫెస్టివల్‌లోని IFFI కళా అకాడమీ వేదిక‌పై ఇండియన్ మోషన్ పిక్చర్స్ ప్రొడ్యూసర్స్ అసోసియేషన్ (IMPPA) వైస్ ప్రెసిడెంట్ అతుల్ చేతుల మీదుగా విడుద‌ల చేశారు. చీఫ్ గెస్టుగా పాల్గొన్న‌ IMPPA వైస్ ప్రెసిడెంట్ అతుల్ మాట్లాడుతూ.. M4M హిందీ ట్రైలర్ అద్భుతంగా ఉంది. సీరియల్ కిల్లర్ కాన్సెప్ట్ చాలా కొత్తగా ఉంది. కంటెంట్ ఆసక్తికరంగా ఉంది. ఇటువంటి చిత్రాన్ని ప్యాన్ ఇండియా స్థాయిలో ప్రేక్షకుల కోసం గొప్ప ప్రయత్నం చేసినందుకు దర్శక నిర్మాత మోహన్ వడ్లపట్లకు, ఈ చిత్రం ద్వారా హీరోయిన్‌గా పరిచయం అవుతున్న జో శర్మకు అభినందనలు. M4M గొప్ప సక్సెస్ కావాలని కోరుకుంటున్నానని అన్నారు.

హీరోయిన్ జో శర్మ మాట్లాడుతూ.. M4M మూవీ ట్రైలర్ గోవాలో లాంచ్ చెయ్యడం కొత్త అనుభూతిని ఇచ్చిందని అన్నారు. సీరియల్ కిల్లర్ కాన్సెప్ట్ కొత్తగా ఉండటమే కాకుండా.. చాలా ఇంట్రెస్టింగ్‌గా ఉందంటూ ఆనందం వ్య‌క్తం చేశారు. ఇలాంటి కాన్సెప్ట్ 110 ఏళ్ల సినీ చరిత్రలో ఫస్ట్ టైమ్ అని, తాను ఈ సినిమాలో హీరోయిన్‌గా చేయ‌డం గ‌ర్వంగా ఉందన్నారు. ఈ అవకాశాన్ని ఇచ్చినందుకు దర్శకనిర్మాత మోహన్ వడ్లపట్లకు, IMPPA ప్రముఖులకు ఆమె ధన్యవాదాలు తెలిపారు.

ఈ మూవీ ద‌ర్శ‌క‌నిర్మాత‌ మోహన్ వడ్లపట్ల మాట్లాడుతూ.. M4M (Motive For Murder) మూవీ హిందీ ట్రైలర్‌ను ప్రతిష్టాత్మక గోవా ఇంట‌ర్నెష‌న‌ల్ ఫిలిం ఫెస్టివ‌ల్ (Goa IFFI)లో విడుద‌ల కావ‌డం సంతోషంగా ఉంది. IMPPA ప్ర‌ముఖుల‌కు, వైస్ ప్రెసిడెంట్ అతుల్‌కు, దేశ విదేశీయ సినీప్రముఖులకు కృత‌జ్ఞ‌త‌లు. M4M యూనివర్సల్ సబ్జెక్ట్, ప్రపంచ వ్యాప్తంగా ఉన్న సినీ ప్రేక్షకులు మా M4M మూవీ కచ్చితంగా థ్రిల్ చేస్తుంది. మోటివ్ ఫర్ మర్డర్ తెలిసినప్పుడు మైండ్స్ బ్లో అవుతాయి, అనూహ్యమైన సినిమాటిక్ ఎక్సపీరియన్స్ నేను మీ అందరికీ అందించబోతున్నానని తెలిపారు. త్వ‌ర‌లోనే 5 భాషల్లో ప్ర‌పంచ‌వ్యాప్తంగా ఈ సినిమాను విడుద‌ల చేయ‌బోతున్న‌ట్టు తెలిపారు. తెలుగు, హిందీ, తమిళ్, కన్నడ, మలయాళం భాషలలో తెర‌కెక్కింది ఈ సస్పెన్స్ థ్రిల్లర్. మునుపెన్నడూ ఎరుగని సైకొని ప్రేక్షకులు చూడబోతున్నారని, ఒడిశా సూపర్ స్టార్ సంబీట్ ఆచార్య, అమెరికన్ హీరోయిన్ జో శర్మ లకు ప్యాన్ ఇండియా స్కేల్ లో కొత్త అధ్యాయం మొదలవుతుందన్నారు.

Also Read-Sreeleela: ‘పుష్ప2’ కిస్సిక్ సాంగ్ ప్రోమో విడుదల వేళ శ్రీలీల ఏం చేస్తుందో చూశారా..

Also Read-Sharmila: ప్రభాస్‌తో నాకున్న రిలేషన్ ఏంటంటే.. షర్మిల సంచలన వ్యాఖ్యలు

-మరిన్ని సినిమా వార్తల కోసం ఇక్కడ క్లిక్ చేయండి