Patang: పాత‌బ‌స్తీలో ‘పతంగ్’ పాట వదిలారు..

ఇప్ప‌టి వ‌ర‌కు భార‌తీయ సినిమాలో ఎన్నో స్పోర్ట్స్ డ్రామాలు ప్రేక్ష‌కులు చూసి వుంటారు. కాని తొలిసారిగా ప‌తంగుల పోటీతో రాబోతున్న కామెడీ స్పోర్ట్స్ డ్రామా చిత్రం ‘ప‌తంగ్’ (Patang). సినిమాటిక్ ఎలిమెంట్స్ అండ్ రిష‌న్ సినిమాస్ ప‌తాకంపై విజ‌య్ శేఖ‌ర్ అన్నే, సంప‌త్ మ‌క, సురేష్ కొత్తింటి సంయుక్తంగా నిర్మిస్తున్న ఈ చిత్రానికి ప్ర‌ణీత్ ప్ర‌త్తిపాటి (Praneeth Prattipati) ద‌ర్శ‌కుడు. నాని బండ్రెడ్డి (Naani Bandreddi) క్రియేటివ్ నిర్మాతగా వ్య‌వ‌హ‌రిస్తున్న ఈ చిత్రంలో ఇన్‌స్టాగ్రమ్ సెన్సేష‌న్ ప్రీతి ప‌గ‌డాల‌, జీ స‌రిగ‌మ‌ప ర‌న్న‌ర‌ప్ ప్ర‌ణ‌వ్ కౌశిక్‌తో పాటు వంశీ పూజిత్ ముఖ్య‌తార‌లుగా న‌టిస్తున్నారు. మ‌రికొంత మంది నూత‌న న‌టీన‌టుల‌తో పాటు ప్ర‌ముఖ సింగ‌ర్, న‌టుడు ఎస్‌పీ చ‌ర‌ణ్ ఈ చిత్రంలో కీల‌క‌మైన పాత్ర‌లో క‌నిపించ‌బోతున్నారు. చిత్రీక‌ర‌ణ పూర్తిచేసుకున్న ఈ చిత్రం వేస‌విలో ప్రేక్షకుల ముందుకు రానుంది. కాగా ఈ చిత్రంలోని ‘హే హ‌లో.. న‌మ‌స్తే’ అంటూ సాగే లిరిక‌ల్ వీడియో సాంగ్‌ను శ‌నివారం హైద‌రాబాద్‌లోని పాత‌బ‌స్తీలో వినూత్నంగా విడుద‌ల చేశారు. ఈ పాట‌ను ముఖ్య అతిథులుగా హాజరైన ప్రముఖ పాట‌ల ర‌చ‌యిత, ఆస్కార్ అవార్డ్ విన్న‌ర్ చంద్ర‌బోస్‌, పాపుల‌ర్ ద‌ర్శ‌కుడు అనుదీప్ కేవీలు విడుద‌ల చేశారు.

ఈ సందర్భంగా చంద్ర‌బోస్ (Chandra Bose) మాట్లాడుతూ.. ఈ వేడుక‌కు రావ‌డం ఎంతో సంతోషంగా వుంది. నేను ఈ రోజు ఇక్క‌డికి రావ‌డానికి కార‌ణం ఈ చిత్రం క్రియేటివ్ ప్రొడ్యూస‌ర్ నాని బండ్రెడ్డి. ఆయ‌న ప్ర‌తిభ గురించి నాకు తెలుసు. ఆయ‌న ద‌ర్శ‌క‌త్వం వ‌హించిన చిత్రం కూడా త్వర‌లో రాబోతుంది. త‌న ద‌ర్శ‌క‌త్వ అనుభ‌వంతో ఈ సినిమాకు క్రియేటివ్ నిర్మాత‌గా వున్నాడు. ఈ సినిమా నానికి మంచి పేరును తెచ్చిపెడుతుంది. అంతేకాదు ఈ చిత్రం అంతా నూత‌న న‌టీన‌టుల‌తో, సాంకేతిక నిపుణుల‌తో ఉన్న‌తంగా తీర్చిదిద్దబ‌డింది. త‌ప్ప‌కుండా ఈ చిత్రం ఘ‌న‌విజ‌యం సాధించి అంద‌రికీ మంచి పేరును తీసుకురావాల‌ని ఆశిస్తున్నట్లుగా చెప్పుకొచ్చారు. (#Patang)

పాపుల‌ర్ ద‌ర్శ‌కుడు కేవీ అనుదీప్ (KV Anudeep) మాట్లాడుతూ.. నాని నాకు మంచి మిత్రుడు. ఈ పాట నాకు బాగా న‌చ్చింది. ఈ చిత్రం అంద‌రికీ మంచి పేరును తీసుకురావాల‌ని కోరుకుంటున్నానని తెలపగా.. నిర్మాత‌ల్లో ఒక‌రైన సంప‌త్ మ‌క మాట్లాడుతూ.. నేను ఈ సినిమా చేయ‌డానికి ఒకే ఒక్క కార‌ణం నాని. కేవ‌లం అత‌ని మీద న‌మ్మ‌కంతో సాఫ్ట్‌వేర్ ఫీల్డ్‌లో వున్న నేను ఈ సినిమాతో నిర్మాత‌గా మారాను. ఈ పాట విని సినిమా చేయ‌డానికి ఓకే అన్నాను. ఈ పాట‌తోనే మా జ‌ర్నీ ప్రారంభమైంది. హైద‌రాబాద్ బ్యూటీని చాటి చెప్పే ఈ పాట హైద‌రాబాద్ యాంథ‌మ్‌గా నిలిచిపోతుందని అన్నారు. క్రియేటివ్ నిర్మాత నాని మాట్లాడుతూ.. ఈ సినిమాకు ఇద్ద‌రు హీరోల‌తో పాటు క‌నిపించ‌ని మ‌రో ఇద్ద‌రు హీరోలు ఈ చిత్ర ద‌ర్శ‌కుడు ప్ర‌ణీత్‌, సంగీత ద‌ర్శ‌కుడు జోస్ జిమ్మి. ఈ చిత్రంతో జోస్ జిమ్మిని కనీసం ఓ ద‌శాబ్దం గుర్తుపెట్టుకుంటారని అన్నారు. ఈ చిత్ర క్రియేటివ్ ప్రొడ్యూస‌ర్ నానికి మేజ‌ర్ యాక్సిడెంట్ జ‌రిగిన‌ప్ప‌డు టీమ్ అంతా ఎంతో క‌ల‌త చెందార‌ని, అస‌లు బ‌తుకుతాడో లేదో అనుకున్న నాని .. డాక్ట‌ర్ల‌ను కూడా ఆశ్చ‌ర్య‌ప‌రుస్తూ అతి త్వ‌ర‌లోనే కోలుకుని ఈ రోజు మీ ముందుకు వ‌చ్చాడ‌ని, సినిమా మీద వున్న ప్రేమే అత‌డ్ని బ‌తికించింద‌ని ఎగ్యిక్యూటివ్ నిర్మాత నిఖిల్ కోడూరు తెలిపారు. ఈ వేడుక‌లో హీరోలు ప్ర‌ణ‌వ్ కౌశిక్‌తో పాటు వంశీ పూజిత్, హీరోయిన్‌ ప్రీతి ప‌గ‌డాల‌, సంగీత ద‌ర్శ‌కుడు జోస్ జిమ్మి, కొరియోగ్రాఫ‌ర్ ఆట సందీప్ త‌దిత‌రులు పాల్గొన్నారు. (Patang Movie Song Launch)

ఇవి కూడా చదవండి:

====================

*Shambho Mahadeva: మణిశర్మ మెప్పు పొందిన వర్ధమాన గాయని.. ఎవరంటే?

************************

*Keerthi: మహిళలపై అరాచకాలు జరుగుతుంటే దేవుడెక్కడ? అంటూ నటి సంచలన వ్యాఖ్యలు

*******************************