Mandira: సన్నీ లియోన్ ‘మందిర’కు రిలీజ్ డేట్ ఫిక్సయింది..
ABN , Publish Date - Nov 11 , 2024 | 09:43 PM
సన్నీ లియోన్ మరోసారి తెలుగు ప్రేక్షకులను భయపెట్టేందుకు వస్తోంది. ఆమె ప్రధాన పాత్రలో నటించిన చిత్రం ‘మందిర’. ఈ సినిమాకు సంబంధించి ఇప్పటికే విడుదలైన టీజర్, ట్రైలర్, పోస్టర్స్, సాంగ్స్ వంటి వన్నీ వైరల్ అవగా.. తాజాగా మేకర్స్ ఈ చిత్ర విడుదల తేదీని ప్రకటించారు. ‘మందిర’ భయపెట్టేది ఎప్పుడంటే..
ప్రపంచవ్యాప్త గుర్తింపు ఉన్న సన్నీ లియోన్ (Sunny Leone).. ఇప్పుడు సౌత్ ప్రేక్షకులకు మరింత దగ్గరయ్యేందుకు ప్రయత్నిస్తోంది. ఇప్పటికే కొన్ని తెలుగు చిత్రాలలో నటించిన ఆమె ఇప్పుడు తెలుగుతో పాటు తమిళ చిత్రాలలోనూ నటించేందుకు ఆసక్తిని చూపెడుతోంది. ప్రస్తుతం ఆమె బాలీవుడ్‌లో బిజీ తారగా తన నటనతో ప్రేక్షకులను మెప్పిస్తోంది. కామెడీ, హారర్ ఇలా అన్ని జానర్లతో ఆడియెన్స్ ముందుకు వస్తోన్న సన్నీ లియోన్ మరోసారి తెలుగు ఆడియెన్స్‌ను భయపెట్టేందుకు ‘మందిర’గా రాబోతోంది. తాజాగా ఈ చిత్ర విడుదల తేదీని ప్రకటిస్తూ మేకర్స్ న్యూ పోస్టర్స్‌ను విడుదల చేశారు. (Mandira Movie Release Date)
Also Read-Krish weds Priti: సైలెంట్‌గా రెండో పెళ్లి చేసుకున్న క్రిష్.. పెళ్లి ఫొటోలు వైరల్
కొమ్మలపాటి శ్రీధర్ సమర్పణలో విజన్ మూవీ మేకర్స్ బ్యానర్‌పై సన్నీ లియోన్ ప్రధాన పాత్రలో సాయి సుధాకర్ కొమ్మలపాటి ఈ ‘మందిర’ చిత్రాన్ని నిర్మించారు. ఈ మూవీకి ఆర్ యువన్ దర్శకత్వం వహించారు. ఇప్పటికే మందిర సినిమా నుంచి వచ్చిన పోస్టర్లు, గ్లింప్స్, టీజర్, ట్రైలర్, పాటలు మంచి స్పందనను రాబట్టుకుని సినిమాపై అంచనాలను పెంచేశాయి. ఈ చిత్రాన్ని నవంబర్ 22న గ్రాండ్‌గా విడుదల చేయబోతున్నట్లుగా మేకర్స్ అధికారికంగా ప్రకటించారు.
‘మందిర’ విడుదల తేదీని తెలుపుతూ విడుదల చేసిన పోస్టర్‌లో సన్నీ లియోన్ స్టన్నింగ్ లుక్‌తో ఆకర్షిస్తోంది. ఒకటి కాదు రెండు పోస్టర్స్‌ని మేకర్స్ వదిలి.. ప్రేక్షకులకు అదిరిపోయే ట్రీట్ ఇచ్చారు. ఈ రెండు పోస్టర్స్ ప్రస్తుతం వైరల్ అవుతున్నాయి. ఇదిలా ఉండగా.. ఈ నెలలోనే విడుదల ఉండటంతో.. ఇకపై మందిర టీం ప్రమోషన్స్‌తో సినిమా మీద మరింత హైప్ పెంచేందుకు రెడీ అవుతోందని తెలుస్తోంది. ఈ చిత్రానికి జావెద్ రియాజ్ సంగీతం అందించగా.. దీపక్ డి. మీనన్ కెమెరామెన్‌గా పని చేశారు.
