Tribanadhari Barbarik: భీముడు మనవడు, ఘటోత్కచుడు కుమారుడిపై చిత్రం..
ABN , Publish Date - Nov 06 , 2024 | 07:23 PM
ప్రస్తుతం ఇండియన్ ఫిల్మ్ మేకర్లు ఎక్కువగా మైథలాజికల్ కాన్సెప్ట్‌తో చిత్రాలను తెరకెక్కిస్తున్నారు. రామాయణ, మహాభారతాల్లోంచి పాత్రలను తీసుకుని సినిమాలను గ్రాండ్‌గా నిర్మిస్తున్నారు. ఈ క్రమంలోనే భీముడు మనవడు, ఘటోత్కచుడు కుమారుడు బార్బరిక్ (బార్బరికుడు) మీద చిత్రం రాబోతోంది. ఆ వివరాల్లోకి వెళితే..
ప్రస్తుతం ఇండియన్ ఫిల్మ్ మేకర్లు ఎక్కువగా మైథలాజికల్ కాన్సెప్ట్‌తో చిత్రాలను తెరకెక్కిస్తున్నారు. రామాయణ, మహాభారతాల్లోంచి పాత్రలను తీసుకుని సినిమాలను గ్రాండ్‌గా నిర్మిస్తున్నారు. ఈ క్రమంలోనే భీముడు మనవడు, ఘటోత్కచుడు కుమారుడు బార్బరిక్ (బార్బరికుడు) మీద చిత్రం రాబోతోంది. ‘త్రిబాణధారి బార్బరిక్’ (Tribanadhari Barbarik) అనే టైటిల్‌తో తెరకెక్కుతోన్న ఈ చిత్ర టైటిల్ గ్లింప్స్‌ని బుధవారం మేకర్స్ విడుదల చేశారు. స్టార్ డైరెక్టర్ మారుతి సమర్పకుడిగా విజయపాల్ రెడ్డి ఆదిధాల నిర్మిస్తోన్న ఈ మూవీకి మోహన్ శ్రీవత్స దర్శకత్వం వహిస్తున్నారు. వానర సెల్యూలాయిడ్ బ్యానర్‌పై ఈ చిత్రం రూపుదిద్దుకుంటోంది.
Also Read-Celebrity Couple: కోర్టు మెట్లెక్కిన మరో సెలబ్రిటీ కపుల్.. ఎవరంటే
టైటిల్ గ్లింప్స్ విషయానికి వస్తే.. ‘ఎవరు తాతా ఇతను?.. ప్రపంచం గుర్తించని ఒక గొప్ప యోధుడమ్మా. భీష్ముడా.. తాతా? హహ కాదమ్మా..’ అనే డైలాగ్స్‌తో మొదలైన ఈ గ్లింప్స్‌కి ఇచ్చిన ఎలివేషన్స్, ఆర్ఆర్, విజువల్స్ ఇలా అన్నీ కలిపి మరో అద్భుతమైన సినిమా టాలీవుడ్‌లో తెరకెక్కుతుందనే ఫీల్‌ని ఇస్తున్నాయి. ఈ గ్లింప్స్ చూస్తుంటే ప్రస్తుతం ఉన్న ట్రెండ్‌కు సరిపోయే పాన్ ఇండియన్ కథలా అనిపిస్తోంది. అందుకే ఈ చిత్రాన్ని ఆ స్థాయిలోనే అన్ని భాషల్లో తెరకెక్కిస్తున్నారు మేకర్స్.
బార్బరిక్ గురించి చెప్పాలంటే.. ఏకకాలంలో మూడు బాణాలు వేయడంలో బార్బరికుడు నేర్పరి. అందుకే త్రిబాణధారి అని టైటిల్‌‌ని ఖరారు చేశారు. ఇక మోడ్రన్ కాలం నాటి తుపాకులు, బుల్లెట్లు కూడా ఈ మోషన్ పోస్టర్‌లో చూపించారు. ‘గాండీవదారి అర్జున, పాశుపతాస్త్రం, బ్రహ్మాస్త్రం, గరుడ పురాణం’ వంటి పుస్తకాలను కూడా ఈ వీడియోలో చూపించారు. మరి ఆ కాలానికి, ఈ కాలానికి కథను ఎలా లింక్ చేశారనేది ఆసక్తిని కలిగిస్తోంది. ఈ మోషన్ పోస్టర్ దర్శకుడి విజన్ కి, క్వాలిటీ మేకింగ్ పట్ల నిర్మాతల అంకితభావానికి నిదర్శనంగా ఉంది. భారతీయ సినిమా చరిత్రలో తొలిసారిగా ఇన్ఫ్యూషన్ బ్యాండ్ అనే బ్యాండ్ సంగీతాన్ని అందించింది. వీడియోకు సంబంధించిన థీమ్ మ్యూజిక్ గూస్‌బంప్స్ ఇస్తోంది. సత్యరాజ్, వశిష్ట ఎన్ సింహ, సాంచి రాయ్, సత్యం రాజేష్, క్రాంతి కిరణ్, వీటీవీ గణేష్, మొట్టా రాజేంద్ర, ఉదయభాను వంటి వారు కీలక పాత్రలు పోషిస్తోన్న ఈ చిత్రం ప్రస్తుతం పోస్ట్-ప్రొడక్షన్‌ పనుల్లో బిజీగా ఉంది. త్వరలోనే వరుస అప్డేట్స్ ఉంటాయని మేకర్స్ తెలిపారు.