Vanchana: ‘వంచన’ విడుదల తేదీ ఫిక్స్.. ఎప్పుడంటే
ABN , Publish Date - Oct 25 , 2024 | 04:43 PM
చండీ దుర్గా ఎంటర్‌టైన్‌మెంట్స్ పతాకంపై ఉమా మహేష్ ప్రధాన పాత్రలో సూర్య, రాజేంద్ర, ఆర్ కె నాయుడు, సోనీ రెడ్డి ఇతర ముఖ్య తారాగణంగా.. ఉమా మహేష్ మార్పు దర్శకత్వంలో గౌరీ మార్పు నిర్మిస్తున్న చిత్రం ‘వంచన’. తాజాగా ఈ సినిమా విడుదల తేదీని మేకర్స్ ప్రకటించారు. ‘వంచన’ విడుదల ఎప్పుడంటే
చండీ దుర్గా ఎంటర్‌టైన్‌మెంట్స్ పతాకంపై ఉమా మహేష్ ప్రధాన పాత్రలో సూర్య, రాజేంద్ర, ఆర్ కె నాయుడు, సోనీ రెడ్డి ఇతర ముఖ్య తారాగణంగా.. ఉమా మహేష్ మార్పు దర్శకత్వంలో గౌరీ మార్పు నిర్మిస్తున్న చిత్రం ‘వంచన’ (Vanchana). తాజాగా ఈ చిత్ర విడుదల తేదీని ప్రకటిస్తూ మేకర్స్ ఓ పోస్టర్‌ను విడుదల చేశారు. టైటిల్‌కి జస్టిఫికేషన్ ఇచ్చేలా ఈ పోస్టర్‌ని మేకర్స్ డిజైన్ చేశారు. ఈ చిత్రాన్ని నవంబర్ 8న విడుదల చేయబోతున్నట్లుగా మేకర్స్ అధికారికంగా ప్రకటించారు. (Vanchana Release Date Poster)
Also Read- Unstoppable With NBK: బాలయ్య పండుగకు సెలవు కావాలి.. ఇదేందయ్యా ఇది
ఈ సందర్భంగా దర్శకుడు ఉమా మహేష్ మార్పు (Uma Mahesh Marpu) మాట్లాడుతూ.. ‘వంచన’ ఒక కోర్టు రూమ్ ఎమోషనల్ డ్రామా చిత్రం. అరకు ఊరిలో ఒక క్రిస్టియన్ ఫాదర్‌ని అతి కిరాతకంగా చంపేస్తారు. కళ్లు చెదిరే స్క్రీన్‌ప్లే‌తో అద్భుతమైన ట్విస్టులతో ఆ చంపింది ఎవరు? ఎందుకు చంపారు? అనేది తెలిపే కోర్టు రూమ్ డ్రామా కథే మా ‘వంచన’ సినిమా. మా సినిమాకు సెన్సార్ కార్యక్రమాలు పూర్తయ్యాయి. సెన్సార్ నుండి యూబైఏ సర్టిఫికెట్ వచ్చింది. సెన్సార్ సభ్యులు మా చిత్రాన్ని చూసి సున్నితమైన కథని చాలా గొప్పగా చిత్రీకరించారు అని అభినందించారు.
Also Read-Suriya: దర్శకుడు రాజమౌళినే మాకు దారి చూపించారు.. బాలయ్య అన్‌స్టాపబుల్
ఇటీవలే మా చిత్ర టీజర్‌ను విడుదల చేయగా.. చాలా మంచి స్పందన వచ్చింది. ఇప్పుడు థియేట్రికల్ ట్రైలర్‌ను నవంబర్ 2న విడుదల చేసేందుకు రెడీ చేస్తున్నాము. ఈ సినిమా చాలా కొత్తగా, ఎక్స్‌లెంట్ థ్రిల్లింగ్ అంశాలతో ఉంటుంది. అరకు, ఢిల్లీ, మనాలి, హైదరాబాద్, విశాఖపట్నం, రాజమండ్రి, విజయనగరం, జైపూర్‌లలోని అందమైన లొకేషన్స్‌లో మా చిత్రాన్ని రెడ్ డ్రాగన్ సినీ లైన్ కెమెరాతో చిత్రీకరించాం. సినిమా ఫస్ట్ కాపీ సిద్ధంగా ఉంది. నవంబర్ 8న గ్రాండ్‌గా విడుదల చేయటానికి సన్నాహాలు చేస్తున్నామని తెలిపారు.