Bigg Boss 8 Telugu New Promo: బిగ్ బాస్ ఇంట్లో ‘పానీ పట్టు యుద్ధం’.. ఇది వేరే లెవల్
ABN , Publish Date - Oct 29 , 2024 | 06:41 PM
బిగ్ బాస్ తెలుగు ఇంట్లో తొమ్మిదో వారం నామినేషన్ ప్రక్రియ యమారంజుగా సాగింది. ఈ వారం నామినేషన్స్‌లో విష్ణు ప్రియ బాగా హైలెట్ అయింది. ఇక మంగళవారం ప్రసారమయ్యే ఎపిసోడ్‌కి సంబంధించిన ప్రోమోని స్టార్ మా విడుదల చేసింది. ఈ ప్రోమోలో..
బిగ్ బాస్ తెలుగు ఇంట్లో తొమ్మిదో వారం నామినేషన్ ప్రక్రియ యమారంజుగా సాగింది. ఈ వారం నామినేషన్స్‌లో విష్ణు ప్రియ బాగా హైలెట్ అయింది. తన క్లాన్‌ని కాపాడుకునేందుకు, తనకి ఇష్టమైన వారిని నామినేషన్స్‌లో లేకుండా చేసేందుకు బాగానే కష్టపడింది. సోమవారం జరిగిన జరిగిన నామినేషన్ ఎపిసోడ్‌లో మెగా చీఫ్‌గా విష్ణు ప్రియ నామినేషన్స్ ప్రక్రియని స్టార్ చేసి.. గౌతమ్‌ని నామినేట్ చేసింది. యష్మీ మీద అరిచావ్ అంటూ ఆమె చెప్పిన వివరణతో యష్మీ, గౌతమ్‌ల మధ్య పెద్ద యుధ్దమే జరిగింది. ఆ తర్వాత బజ్జీల ప్రస్తావన తెచ్చి ప్రేరణని నామినేట్ చేసింది. హరితేజ, నయనీ, నబిల్‌లని వరసగా విష్ణు నామినేట్ చేసి జైలులో వేసింది. ఇక అప్పుడే మొదలైంది అసలైన ఆట. ఒక కీ పట్టుకుని, ఒకరిని సేవ్ చేసి, ఇంకొకరిని లోపలికి పంపించే గేమ్ ఇంట్రస్టింగ్‌గా అనిపించింది. అలా చివరికి తేజ, గౌతమ్, నయని, హరితేజ, యష్మీ ఈ తొమ్మిదో వారం ఎలిమినేషన్‌కు నామినేట్ అయ్యారు.
Also Read- Allu Arjun: ‘అయాన్‌.. నా గొడ్డలి ఎప్పుడు తీసుకెళ్లావ్‌’ బన్నీ వైరల్ పోస్ట్‌
ఇక మంగళవారం జరిగిన ఎపిసోడ్‌కి సంబంధించిన ప్రోమో కూడా వచ్చేసింది. ఈ ప్రోమోలో కంటెస్టెంట్స్ మధ్య పానీ పట్టు యుద్ధానికి బిగ్ బాస్ పిలుపునిచ్చాడు. నాలుగు ట్యాంక్‌లు పెట్టి.. వాటిలో నీరు ఉంచి కంటెస్టెంట్స్‌ని నాలుగు భాగాలుగా విభిజించి ఆడించిన ఈ గేమ్ కూడా ఇంట్రస్టింగ్‌గా ఉండేలానే ఉంది. ఎవరి టాంక్‌లో అయితే నీరు తక్కువగా ఉంటుందో వారు ఈ చాలెంజ్‌ నుండి తప్పుకోవాల్సి ఉంటుందని బిగ్ బాస్ చెప్పిన అనంతరం కంటెస్టెంట్స్ మధ్య నిజంగానే యుద్ధం మొదలైంది. ఒకరినొకరు తిట్టుకుంటూ, తోసుకుంటూ.. రచ్చ రచ్చ చేస్తున్నారు.
ఈ క్రమంలో గౌతమ్, పృథ్వీల మధ్య ఏరా అంటే ఏరా అంటూ తోపులాట కూడా జరిగింది. మొత్తంగా అయితే ఈ మధ్య కాస్త ఛేంజ్ అయితే బిగ్ బాస్‌లో కనబడుతోంది. కాకపోతే.. ఈ రచ్చతో పాటు కంటెస్టెంట్స్ వాడుతున్న బూతు పదాలు.. పిల్లలతో ఈ షోని చూడలేని పరిస్థితిని కల్పిస్తున్నాయి. ప్రస్తుతం ఈ ప్రోమో బాగా వైరల్ అవుతోంది. ఈ పానీ పట్టు యుద్ధంలో ఫైనల్ విన్నర్‌గా ఎవరు గెలిచారనేది తెలియాలంటే మాత్రం మంగళవారం రాత్రి ప్రసారమయ్యే ఎపిసోడ్ చూడాల్సిందే..