Bigg Boss Today Promo 2: అరే ఏంట్రా ఇది.. ఒకసారి అక్క, ఇంకోసారి క్రష్

బిగ్‌బాస్ హౌస్‌లో తొమ్మిదో వారం ఎలిమినేషన్ స్టార్ట్ అయ్యింది. ఈ సీజన్ ముగియడానికి సమయం దగ్గరపడుతున్న వేళా ఈ నామినేషన్స్ రావడంతో వేడి మరింత పెరిగింది. మెగా చీఫ్ విష్ణుప్రియాకి ఈ సారి బిగ్ బాస్.. హౌస్‌లో ఉండటానికి అర్హత లేను ఐదుగురి లాకప్‌లో పెట్టి అరెస్ట్ చేయమని ఆదేశించాడు. ఈ నేపథ్యంలో హౌస్ మేట్స్‌కి విష్ణుప్రియాకి మధ్య తీవ్ర వాగ్వాదం ఏర్పడింది. మరెందుకు ఆలస్యం లేటెస్ట్ ప్రోమో‌పై ఓ లుక్కేదాం..

మొదటగా విష్ణుప్రియ తనని మెగా చీఫ్ చేసిన గౌతమ్ ని జైల్లో పెట్టింది. దీంతో ఆడియెన్స్‌తో పాటు హౌస్ మేట్స్ కూడా షాక్ అయ్యారు. దీంతో గౌతమ్.. "ప్రతి వారం అందరూ నన్ను నామినేట్ చేస్తారా నాకు ఓ క్లారిటీ కావాలి అంటూ ఇక్కడ నాకంటే అన్‌ బ్యాలెన్స్‌డ్ పర్సన్ లేడు.. నా కంటే తక్కువ పనిచేసేవాళ్లు నా కంటే ఎక్కువ పాయింట్స్ ఉన్నోళ్లు నీ చుట్టూ ఉన్నా కూడా వాళ్లని నువ్వు నామినేట్ చేయవు అంటూ గౌతమ్ ఫైర్ అయ్యాడు. దీంతో విష్ణుప్రియ మాట్లాడుతూ.. "ఎందుకు నువ్వు ఇందాకటి నుంచి ఒకే వ్యక్తి గురించి లేడు లేడు అంటూ చెబుతున్నావ్" అంటూ కోప్పడింది. ఈ డిస్కషన్‌లోకి యష్మీ ఎంటర్ అవుతూ.. " ఇక్కడ నీ పాయింట్ ఆఫ్ వ్యూ చెప్పకు.. అలా అయితే నేనూ చెప్పాల్సి ఉంటుంది" అంటూ మాట్లాడింది. దీనికి గౌతమ్ నువ్వు ఆగక్కా అన్నాడు. దీంతో యష్మీకి కాలింది. నన్ను అక్కా అని పిలవకు.. యష్మీ అని పిలువు.. ఒక్కసారి క్రష్, ఇంకోసారి అక్కా అని పిలవకు నువ్వు అంటూ యష్మీ ఫైర్ అయ్యింది.

నెక్స్ట్ విష్ణుప్రియ.. నయని, టేస్టీ తేజలను నామినేట్ చేయడంతో.. తేజ విరుచుకుపడ్డాడు. గౌతమ్‌ని జైల్లో వేశాక పృథ్వీ నవ్వాడు. దీంతో గౌతమ్.. "రేయ్ మస్త్ నవ్వొస్తుందిలే కాకా నీకు" అంటూ అరిచాడు. దీనికి పృథ్వీ "నువ్వు ఒక పర్సన్ ఒక పర్సన్ అని చెబుతున్నావ్.. వాళ్ల పేరు చెప్పే దమ్ము నీకు లేదు" అన్నాడు. ఇక కోపంతో గౌతమ్.. "నువ్వెవరూ నాకు దమ్ము లేదు అనడానికి రా దగ్గరికి రా ఎంత దమ్ముందో చూపిస్తా.. నీ పేరు చెప్పానా.. ఎందుకు నువ్వే లేస్తున్నావ్.. డిఫెన్స్ లాయరా.. తియ్ ఈ లాక్ తియ్ ముందు" అంటూ ఫైర్ అయ్యాడు.