Squid Game2: ఈ సారి ఆట మాములుగా ఉండ‌దు.. స్క్విడ్ గేమ్ టీజ‌ర్ వ‌చ్చేసింది

ప్ర‌పంచ‌వ్యాప్తంగా ఎంతోమంది అభిమానులు ఎదురు చూస్తున్న ఆప్డేట్ రానే వ‌చ్చింది. రెండు సంవ‌త్స‌రాల క్రితం అనామ‌కంగా ఓటీటీలోకి వ‌చ్చి సంచ‌ల‌నం సృష్టించిన స్క్విడ్ గేమ్ (Squid Game) వెబ్ సిరీస్ సీజ‌న్ 2 విడుద‌ల‌కు రెడీ అయింది. ఈ నేప‌థ్యంలో ఇప్ప‌టికే గ‌త నెల‌లో రిలీజ్ చేసిన స్పెష‌ల్ టీజ‌ర్ సిరీస్‌పై మంచి బ‌జ్ క్రియేట్ చేయ‌గా తాజాగా ఈ సీజ‌న్‌2కు సంబంధించిన టీజ‌ర్‌ను విడుద‌ల చేశారు. సోష‌ల్ మీడియాలో ఇప్పుడు ఈ టీజ‌ర్‌ బాగా హ‌ల్‌చ‌ల్ చేస్తోంది. ది గేమ్ విల్ నాట్ స్టాప్ అంటూ రిలీజ్ చేసిన టీజ‌ర్ క్షణాల్లోనే మిలియ‌న్ల వ్యూస్ ద‌క్కించుని స‌రికొత్త రికార్టు క్రియేట్ చేస్తోంది.

మొద‌టి సీజ‌న్‌లో స్క్విడ్ గేమ్ (Squid Game) గెలిచిన 456 నంబ‌ర్ ప్లేయ‌ర్ బ‌య‌టి దేశాల‌కు వెళ్లాల‌నుకున్న నిర్ణ‌యాన్ని మార్చుకుని 45.6బిల‌య‌న్ డాల‌ర్లు గెలవాల‌ని తిరిగి గేమ్‌ ఆడ‌డానికి రావ‌డంతో ఈ సిరీస్ ప్రారంభ‌మ‌వుతుంది. అయితే మొద‌టి సీజ‌న్‌ను మించి డిఫ‌రెంట్ రూల్స్‌తో, టాస్కుల‌తో, ట్విస్టుల‌తో ఓళ్లు గ‌గుర్పొడిచేలా ఈ సీజ‌న్‌ను రూపొందించారు. సీజ‌న్ 1లో న‌టించిన లీ జంగ్ జే (Lee Jung-jae), పార్క్ హే సూ, హోయాన్ జంగ్‌ల‌తో పాటు కొత్త‌గా యిమ్ సి-వాన్ (Im Si-wan), కాంగ్ హా-న్యూల్, పార్క్ గ్యు-యంగ్, లీ జిన్ కీల‌క పాత్ర‌ల్లో న‌టిస్తున్నారు. మొద‌టి సిరీస్‌ను తెర‌కెక్కించిన హ్వాంగ్ డాంగ్-హ్యూక్ (Hwang Dong-hyuk) ఈ సెకండ్ సిరీస్‌కు ద‌ర్శ‌క‌త్వం వ‌హించాడు.

దాదాపు 3 సంవ‌త్స‌రాల త‌ర్వాత వ‌స్తున్న ఈ స్క్విడ్ గేమ్2లో మొత్తం 9 ఎపిసోడ్స్ ఉండ‌గా డిసెంబ‌ర్ 26 నుంచి స్ట్రీమింగ్ చేయ‌నున్న‌ట్లు ఓటీటీ సంస్థ నెట్‌ఫ్లిక్స్ (Netflix) అధికారికంగా ప్ర‌క‌టించారు. టీజ‌ర్ విడుద‌ల చేసిన 10 గంట‌ల్లోనే 4మిలియ‌న్ల‌కు పైగా వ్యూస్ సాధించి ఈ సిరీస్‌కున్న‌ ప్ర‌త్యేక‌త ఏంటో నిరూపించింది.

టీజ‌ర్‌ను చూస్తే ఈ సారి ఆట మాములుగా ఉండ‌దు అన్న‌ట్లుగానే ఉంది. వింత ఆట‌ల‌తో, నిబంద‌న‌ల‌తో గేమ్ ర‌స‌వ‌త్త‌రంగా సాగ‌నున్న‌టు అర్ధ‌మ‌వుతుంది. మ‌రి మీరు ఇంత‌వ‌రకు ఈ స్క్విడ్ గేమ్ Squid Game: Season 2 టీజ‌ర్ చూడ‌కుంటే ఆల‌స్యం చేయ‌కుండా ఇప్పుడే చూసేయండి.