Operation Raavan OTT: ‘ఆపరేషన్ రావణ్’ ఓటీటీలోకి.. ఎప్పుడు, ఎక్కడంటే
ABN , Publish Date - Nov 01 , 2024 | 10:44 PM
రక్షిత్ అట్లూరి హీరోగా రాధికా శరత్ కుమార్ ముఖ్య పాత్రలో నటించిన చిత్రం ‘ఆపరేషన్ రావణ్’. ఈ చిత్రాన్ని ధ్యాన్ అట్లూరి నిర్మాణంలో న్యూ ఏజ్ సస్పెన్స్ థ్రిల్లర్‌గా దర్శకుడు వెంకట సత్య తెలుగు, తమిళ బాషల్లో రూపొందించారు. సంగీర్తన విపిన్ హీరోయిన్‌గా నటించింది. ఈ చిత్ర ఓటీటీ స్ట్రీమింగ్ డిటైల్స్ వచ్చేశాయి. ఆ వివరాల్లోకి వెళితే..
రక్షిత్ అట్లూరి హీరోగా రాధికా శరత్ కుమార్ ముఖ్య పాత్రలో నటించిన చిత్రం ‘ఆపరేషన్ రావణ్’ (Operation Raavan). ఈ చిత్రాన్ని ధ్యాన్ అట్లూరి నిర్మాణంలో న్యూ ఏజ్ సస్పెన్స్ థ్రిల్లర్‌గా దర్శకుడు వెంకట సత్య తెలుగు, తమిళ బాషల్లో రూపొందించారు. సంగీర్తన విపిన్ హీరోయిన్‌గా నటించింది. ఆగస్ట్ 2న ప్రపంచవ్యాప్తంగా థియేట్రికల్ రిలీజైన ఈ చిత్రం ఇప్పుడు ఓటీటీలోకి వచ్చేందుకు సిద్ధమైంది. తాజాగా ఈ సినిమా డిజిటల్ ప్రీమియర్‌కు సంబంధించిన అనౌన్స్‌మెంట్‌పై మేకర్స్ అప్డేట్ ఇచ్చారు.
Also Read-Rashmika Mandanna: ఈసారి కూడా దేవరకొండ ఇంట్లోనేనా..
‘ఆపరేషన్ రావణ్’ చిత్రం ఆహా ఓటీటీలో నవంబర్ 2వ తేదీన వరల్డ్ డిజిటల్ ప్రీమియర్ కానుంది. రాధికా శరత్ కుమార్, చరణ్ రాజ్, తమిళ నటుడు విద్యా సాగర్ ఇతర కీలక పాత్రల్లో నటించారు. సస్పెన్స్ థ్రిల్లర్స్ ఇష్టపడే ఆడియెన్స్‌ను ‘ఆపరేషన్ రావణ్’ సినిమా బాగా ఆకట్టుకుంటుంది. ఇప్పుడు ఆహాలోనూ ఈ సినిమాకు మంచి ఆదరణ లభిస్తుందని మేకర్స్ భావిస్తున్నారు. కాంచి, రాకెట్ రాఘవ, రఘు కుంచె, కెఎ పాల్ రాము, విద్యా సాగర్, జర్నలిస్ట్ మూర్తి, కార్తీక్ తదితరులు ఇతర పాత్రలలో నటించారు.
ఈ సినిమా కథ విషయానికి వస్తే.. రామ్ (రక్షిత్ అట్లూరి) టీవీ 45 అనే ఓ న్యూస్ ఛానల్‌కి వారసుడు. కానీ రామ్ అదే ఛానల్‌లో ఓ ఎంప్లాయ్‌గా జాయిన్ అవుతాడు. అందులోనే పనిచేస్తున్న ఆమని (సంగీర్తన)ని ప్రేమిస్తూ ఉంటాడు. ఆమె కూడా రామ్‌ని ఇష్టపడుతుంది.. ఆ ఇష్టం ప్రేమగా మారుతుంది. అదే సమయంలో నగరంలో పెళ్లికి సిద్ధమైన అమ్మాయిలను ఓ సైకో కిల్లర్ అపహరించి హత్య చేస్తుంటాడు. అతన్ని పట్టుకునే ప్రయత్నంలో పోలీస్ డిపార్ట్‌మెంట్ తీవ్ర ప్రయత్నాలు చేస్తుంటుంది. మరోవైపు రామ్ సహాయంతో ఆమని కూడా ఆ కేసును విచారణ చేస్తుంటుంది. మరి వీరి దర్యాప్తు ఎంతవరకు వచ్చింది? అసలు ఆ సైకో కిల్లర్ ఎవరు? ఎందుకు అమ్మాయిలను హత్య చేస్తుంటాడు? అతన్ని ఎలా పట్టుకున్నారు? అనేదే ‘ఆపరేషన్ రావణ్’ కథ.