Aranmanai5: ‘అరణ్మనై 5’.. క్లారిటీ ఇచ్చిన ఖుష్బూ
ABN , Publish Date - Oct 29 , 2024 | 06:57 AM
ప్రస్తుతం తన భర్త, సినీ దర్శకుడు సుందర్ దృష్టంతా ‘గ్యాంగర్స్‌’ మూవీపైనే ఉందనీ, ‘అరణ్మనై-5’కు సంబంధించిన సమాచారాన్ని ఆయన త్వరలోనే వెల్లడిస్తారని సినీ నిర్మాత, నటి ఖుష్బూ వెల్లడించారు.
ప్రస్తుతం తన భర్త, సినీ దర్శకుడు సుందర్ దృష్టంతా ‘గ్యాంగర్స్‌’ మూవీపైనే ఉందనీ, ‘అరణ్మనై-5’కు సంబంధించిన సమాచారాన్ని ఆయన త్వరలోనే వెల్లడిస్తారని సినీ నిర్మాత, నటి ఖుష్బూ (Khushbu Sundar) వెల్లడించారు. అవ్నీ క్రియేషన్స్‌ బ్యానరుపై సుందర్ (Sundar C) దర్శకత్వంలో ఇప్పటివరకు ‘‘అరణ్మనై’’ సిరీస్‌లో నాలుగు చిత్రాలు వచ్చాయి.
గత మేలో ‘అరణ్మనై-4’ (Aranmanai 4) విడుదలై ఘన విజయం సాధించి, కలెక్షన్ల వర్షం కురిపించింది. ఈ నేపథ్యంలో ఈ సిరీస్‌లో ఐదో భాగాన్ని సుందర్ సి తెరకెక్కించనున్నారంటూ ఫస్ట్‌లుక్‌తో పాటు నటీనటుల వివరాలు సోషల్‌ మీడియాలో విస్తృతంగా షేర్‌ అవుతున్నాయి. వీటిపై ఖుష్బూ (Khushbu Sundar) స్పందించి మాట్లాడారు.
‘అరణ్మనై-5’ (Aranmanai 5) ప్రాజెక్టుపై సోషల్‌ మీడియాలో వస్తున్న వార్తలన్నీ కేవలం పుకార్లు మాత్రమేన‌ని, ఐదో భాగం ఫస్ట్‌లుక్‌ ఇదేనంటూ సోషల్‌ మీడియాలో వైరల్‌ అవుతున్న పోస్టర్‌ కూడా ఫేక్ అని అన్నారు. ఈ ప్రాజెక్టుకు సంబంధించిన పనులు ప్రారంభంకాగానే ప్రొడక్షన్‌ హౌస్‌ అవ్నీ క్రియేషన్స్‌ అధికారికంగా వెల్లడిస్తుందన్నారు. ప్రస్తుతానికి తమ దృష్టంతా ‘గ్యాంగర్స్‌’ (Gangers) సినిమా పైనే ఉంది’ అని ఆమె స్పష్టం చేశారు.