హీరోగా.. మరో దర్శకుడు

కోలీవుడ్‌ దర్శకుడు ఎం.ముత్తయ్య (M. Muthaiah) త్వరలోనే హీరోగా వెండితెరపై కనిపించనున్నట్టు సమాచారం. ఈయన దర్శకత్వంలో వచ్చిన ‘కుట్టిపులి’, ‘కొంబన్‌’, ‘మరుదు’, ’విరుమన్‌’ వంటి చిత్రాలు మంచి విజయాన్ని అందుకున్నాయి. మంచి కథాంశాలను ఎంచుకుని చిత్రాలను ఈయన తెరకెక్కిస్తుంటారు.

ఈ క్రమంలో ఆయన చివరగా దర్శకత్వం వహించిన సినిమా ‘ఖాదర్‌ బాషా ఎన్‌గిర ముత్తురామలింగం’ బాక్సాఫీస్‌ వద్ద నిరాశపరిచింది. దీంతో ఆయన దర్శకత్వంలో నటించేందుకు ఏ హీరో సాహసం చేయలేదు. ఈ క్రమంలో ఆయన కుమారుడిని హీరోగా పరిచయం చేస్తూ ఓ చిత్రాన్ని రూపొందిస్తున్నారు. ఆ తర్వాత మరో చిత్రానికి ప్లాన్‌ చేశారు. ఇందులో ఆయనే ప్రధాన పాత్ర పోషించాలని నిర్ణయించుకున్నట్టు సమాచారం. ఈ చిత్రానికి దర్శకత్వం ఎవరు వహిస్తారన్నది మాత్రం ఇంకా క్లారిటీ రాలేదు.