Thug life: విజువల్ ఫీస్ట్.. 'థగ్ లైఫ్' రిలీజ్ డేట్ అనౌన్స్‌మెంట్
ABN , Publish Date - Nov 07 , 2024 | 08:49 PM
విశ్వ నాయకుడు కమల్ హసన్, మణిరత్నం, ఏఆర్ రెహమాన్ కలయికలో వస్తున్న కొత్త చిత్రం థగ్ లైఫ్. రాఈ రోజు (గురువారం) కమల్ హాసన్ పుట్టినరోజు సందర్భంగా, మేకర్స్ మూవీ టీజర్‌తో పాటు సినిమా విడుదల తేదీని ప్ర‌క‌టించారు.
విశ్వ నాయకుడు కమల్ హసన్ (Kamal Hasan), మణిరత్నం (Maniratnam) , ఏఆర్ రెహమాన్ (AR Rahman) కలయికలో (KH234) వస్తున్న కొత్త చిత్రం థగ్ లైఫ్. రాజ్‌కమల్‌ ఇంటర్నేషనల్‌, మద్రాస్‌ టాకీస్ సంయుక్తంగా నిర్మిస్తున్నారు. ఈ రోజు (గురువారం) కమల్ హాసన్ పుట్టినరోజు సందర్భంగా, మేకర్స్ మూవీ టీజర్‌తో పాటు జూన్ 5, 2025న సినిమాను గ్రాండ్‌గా విడుదలచేయ‌నున్న‌ట్లు ప్ర‌క‌టించారు.
ఉలగనాయగ‌న్ కమల్ హాసన్ ఇండియన్ సినిమా లివింగ్ లెజెండ్. 6 దశాబ్దాల సినీ కెరీర్‌లో ఎన్నో కల్ట్ క్లాసిక్ విజయాలతో, ఎప్పటికప్పుడు ప్రేక్షకులకు సరికొత్తగా అద్భుతమైన సినిమాలు అందించాలనే తపనతో పని చేస్తునే ఉన్నారు. అదేవిధంగా తన అద్భుతమైన విజన్, రైటింగ్, డైరెక్షన్ తో అశేషమైన ప్రేక్షకాదరణ పొందిన లెజెండరీ దర్శకుడు మణిరత్నం. కమల్ హాసన్, మణిరత్నం 37 సంవత్సరాల క్రితం నాయకన్ లాంటి ఆల్-టైమ్ క్లాసిక్‌ని అందించారు. ఈ ఆల్-టైమ్ క్లాసిక్ ఇండియన్ ఫిల్మ్ తరతరాలుగా ప్రేక్షకులలో కల్ట్ ఫాలోయింగ్ ఉంది. టైమ్ మ్యాగజైన్ ప్రపంచ సినిమాల్లోని 100 ఆల్-టైమ్ క్లాసిక్స్ జాబితాలో వున్న ఏకైక భారతీయ చిత్రం ఇది.
అలాంటిది 37 సంవత్సరాల తర్వాత కమల్ హాసన్ విక్రమ్, మణిరత్నం పొన్నియిన్ సెల్వన్ సినిమాల తర్వాత ఈ కాంబినేషన్ మ‌రోసారి తెర‌మీద‌కు రావ‌డం, పైగా శింబు కూడా సినిమాలో కీలక పాత్ర పోషిస్తుండంతో ఈ సినిమాపై అంచనాలు మరింతగా పెరిగాయి. ఈ చిత్రంలో త్రిష కృష్ణన్, అశోక్ సెల్వన్, ఐశ్వర్య లేఖి, అభిరామి, నాజర్, జోజు జార్జ్ లాంటి ప్రముఖ స్టార్స్ కీలక పాత్రలు పోషిస్తున్నారు. ఈ విజువల్ వండర్ కి ప్రముఖ సినిమాటోగ్రాఫర్ రవి కె. చంద్రన్ సినిమాటోగ్రఫీని నిర్వహిస్తుండగా, జాతీయ అవార్డు గ్రహీత ఎడిటర్ శ్రీకర్ ప్రసాద్ ఎడిటింగ్ చేస్తున్నారు. మ్యూజిక్ లెజెండ్ ఏఆర్ రెహమాన్ సంగీతం అందిస్తున్న ఈ చిత్రానికి ప్రముఖ స్టంట్ కొరియోగ్రాఫర్లు అన్బరీవ్ యాక్షన్ కంపోజ్ చేస్తున్నారు.