ఆర్జే బాలాజీ హీరోగా ‘హ్యాపీ ఎండింగ్‌’

దర్శక నటుడు ఆర్జే బాలాజీ (RJ_Balaji) కథానాయకుడిగా ‘హ్యాపీ ఎండింగ్‌’ (Happy Ending)పేరుతో చిత్రం తెరకెక్కనుంది. ‘తంగలాన్‌’ ఫేం పా.రంజిత్‌ వద్ద అసిస్టెంట్‌గా పనిచేసిన అమ్మాముత్తు సూర్య ఈ చిత్రం ద్వారా దర్శకుడిగా పరిచయమవుతున్నారు. షాన్‌ రోల్డాన్‌ సంగీతం అందిస్తున్నారు. ‘గుడ్‌నైట్‌’, ‘లవర్‌’ వంటి పలు హిట్‌ చిత్రాలను నిర్మించిన మిలియన్‌ డాలర్‌ స్టూడియోస్‌ ఈ చిత్రాన్ని నిర్మించనుంది. ఈ సినిమా ఫస్ట్‌లుక్‌తో పాటు టీజర్‌ను ఇటీవ‌ల‌ రిలీజ్‌ చేశారు.

ఇందులో హోటల్‌లో కూర్చొని భోజనం చేస్తున్న ఆర్జే బాలాజీని ప్రేమానుభూతులను చెప్పాలని కోరగా, నూడుల్స్‌ తినే ఫోర్క్‌ను చేతిలో పట్టుకుని టేబుల్‌ను పొడుస్తాడు. కొద్దిసేపటి తర్వాత బ్రేకప్‌ చేసుకున్న కొందరు మహిళలు ఆర్జే బాలాజీపై దాడి చేస్తారు. ఈ సన్నివేశాలు తీవ్ర హింసతో పాటు రొమాన్స్‌, హాస్యభరితంగా ఉంది.

పైగా టీజర్‌లోని ఏ ఒక్క డైలాగ్‌ డబుల్‌ మీనింగ్‌ లేదు. ఇదిలా వుండగా, ఆర్జే బాలాజీ అగ్రహీరో సూర్యను డైరెక్ట్‌ చేయనున్న విషయం తెల్సిందే. ఇది సూర్య నటించే 45వ చిత్రం కావడం గమనార్హం. ‘సూర్య-45’ ప్రాజెక్టు పూర్తయిన తర్వాతే ‘హ్యాపీ ఎండింగ్‌’ ప్రాజెక్టును సెట్స్‌పైకి తీసుకెళ్లనున్నారు.