Adhirshtasaali: మాధవన్ హీరోగా ‘అదృష్టశాలి’.. ఫస్ట్ లుక్ పోస్టర్ అదిరింది
ABN , Publish Date - Nov 05 , 2024 | 08:45 PM
కెరీర్‌ ఆరంభంలో చాక్లెట్‌ బాయ్‌గా తమిళం, తెలుగు ఇండస్ట్రీల్లో గుర్తింపు పొంది, తమిళ చిత్రపరిశ్రమలో భిన్నమైన కథలను ఎంచుకుంటూ తన సినీ కెరీర్‌ కొనసాగిస్తున్న కోలీవుడ్ హీరో మాధవన్.. ఇప్పుడు మరో వైవిధ్యభరితమైన చిత్రంతో ప్రేక్షకుల ముందుకు రాబోతున్నారు. ఆ వివరాల్లోకి వెళితే..
కెరీర్‌ ఆరంభంలో చాక్లెట్‌ బాయ్‌గా తమిళం, తెలుగు ఇండస్ట్రీల్లో గుర్తింపు పొంది, తమిళ చిత్రపరిశ్రమలో భిన్నమైన కథలను ఎంచుకుంటూ తన సినీ కెరీర్‌ కొనసాగిస్తున్న కోలీవుడ్ హీరో ఆర్. మాధవన్ (R Madhavan) ఇప్పుడు ‘అదృష్టశాలి’ (Adhirshtasaali)గా ప్రేక్షకుల ముందుకురానున్నారు. ‘యారడి నీ మోహిని’, ‘తిరుచిట్రాంబలం’ వంటి హిట్‌ చిత్రాలకు దర్శకత్వం వహించిన మిత్రన్‌ ఆర్. జవహర్‌ ఈ చిత్రాన్ని రూపొందించనున్నారు. ఇప్పటికే షూటింగ్‌ పూర్తి చేసుకుని, పోస్ట్‌ ప్రొడక్షన్‌ నిర్మాణ పనులను జరుపుకుంటోంది. ఈ నేపథ్యంలో మేకర్స్‌ ఫస్ట్‌లుక్‌ తాజాగా రిలీజ్‌ చేశారు. ప్రస్తుతం అది సోషల్‌ మీడియాలో వైరల్‌ అవుతోంది. (Adhirshtasaali Movie First Look)
Also Read-KA: ‘క’ సినిమాలో చూపించిన ఆ గ్రామం నిజంగానే ఉంది.. ఎక్కడో తెలుసా
ఫాంటసీ డ్రామా కోణంలో రూపుదిద్దుకుంటున్న ఈ చిత్రాన్ని ఏఏ మీడియా కార్పొరేషన్‌ బ్యానరుపై షర్మిల, రేఖా విక్కి, మనోజ్‌ ముల్కి సంయుక్తంగా భారీ బడ్జెట్‌తో నిర్మిస్తున్నారు. సినిమా షూటింగ్‌ కూడా స్కాట్లాండ్‌లో పూర్తిచేశారు. మాధవన్ ప్రధాన పాత్రలో నటించిన ఈ చిత్రంలో మడోన్నా సెబాస్టియన్‌, రాధిక, సాయి తన్షిక, జగన్‌, నిరూప్‌ ఎన్‌కే, ఉపాసన ఆర్‌సీ, మ్యాథ్యూ వర్గీస్‌, ఉదయ్‌ మహేశ్‌, కేఎస్‌జీ వెంకటేష్‌, రవిప్రకాష్‌ తదితరులు ఇతర పాత్రలు పోషించారు. యువన్‌ శంకర్‌ రాజా సంగీతం అందించే ఈ చిత్రాన్ని త్వరలోనే విడుదల చేసేలా ప్లాన్‌ చేస్తున్నారు.
ఈ ఫస్ట్ లుక్ విషయానికి వస్తే.. చాలా ఆకర్షణీయంగా ఈ ఫస్ట్ లుక్‌ని డిజైన్ చేశారు. ఇందులో మాధవన్ రెండు కోణాల్లో కనిపిస్తున్నారు. మధ్య తరగతి, రిచ్ అనే కోణాల్లో మాధవన్ డిఫరెంట్ షేడ్స్‌లో కనిపిస్తున్నారు. పోస్టర్‌లో చాలా సృజనాత్మకంగా ఈ విషయాన్ని తెలియజేస్తున్నారు. మొత్తంగా అయితే ‘అదృష్టశాలి’ చిత్రం దర్శకుడి నుండి వస్తోన్న మరో వినూత్న చిత్రమనేది ఈ పోస్టర్ క్లారిటీ ఇచ్చేస్తోంది. (Adhirshtasaali Movie)