Anushka: అనుష్క పుట్టినరోజు ఎంతో ప్రత్యేకం

వెండితెరపై అనుష్కను (Anushka) చూసి ఏడాది దాటింది. 'మిస్‌ శెట్టి.. మిస్టర్‌ పోలిశెట్టి’ చిత్రంతో అలరించిన ఆమె ఏడాది గ్యాప్‌ తర్వాత ఓ చిత్రంలో నటిస్తోన్న సంగతి తెలిసిందే. అనుష్క కీలక పాత్రలో క్రిష్‌ జాగర్లమూడి (Krish) ఈ చిత్రానికి దర్శకత్వం వహిస్తున్నారు. 'వేదం’ తర్వాత వీరిద్దరి కాంబినేషన్‌లో వస్తున్న రెండో చిత్రమిది. యువి క్రియేషన్స్‌, ఫస్ట్‌ ఫ్రేమ్‌ ఎంటర్‌టైన్‌మెంట్స్‌ నిర్మిస్తున్న ఈ క్రేజీ ప్రాజెక్ట్‌కు ‘ఘాటి’ (Ghaati)టైటిల్‌ ఖరారు చేశారు.

ఈ నెల 7న అనుష్క పుట్టినరోజు సందర్భంగా ఫస్ట్‌ లుక్‌, స్పెషల్‌ గ్లింప్స్‌ను విడుదల చేయనున్నారు. హై బడ్జెట్‌తో మేకర్స్‌ ఈ చిత్రాన్ని ప్లాన్‌ చేశారు. 'మరో మూడే రోజుల్లో ఈ చిత్రం షూటింగ్‌ పూర్తి కానుంది. అదే రోజు అనగా 7న అనుష్క పుట్టినరోజు కావడం యాదృచ్చికంగా జరిగింది’’ అంటున్నారు నిర్మాతలు. ఈ సందర్భాన్ని పురస్కరించుకుని, మేకర్స్‌ రెండు ముఖ్యమైన అప్‌డేట్‌లను అందిస్తున్నారు. ఫస్ట్‌ లుక్‌, ఎ స్పెషల్‌ గింప్స్‌ ఇన్‌ టు ది వరల్డ్‌ని రిలీజ్‌ చేస్తున్నారు. మ్యాజిక్‌ కోసం రెడీగా ఉండండి’ అని నిర్మాణ సంస్థ ట్వీట్‌లో పేర్కొంది. మిగిలిన ఆర్టిస్ట్‌లు సాంకేతిక నిపుణుల గురించి త్వరలో వెల్లడించనున్నారు.