Game Changer: గేమ్ ఛేంజర్‌కి కౌంట్‌డౌన్ షురూ.. టీజర్ ఎప్పుడంటే
ABN , Publish Date - Oct 27 , 2024 | 05:38 PM
‘గేమ్ చేంజర్‌’ సినిమాపై బజ్ క్రియేట్ చేసేందుకు మేకర్స్ కౌంట్‌డౌన్ షురూ చేస్తూ ఒక కొత్త పోస్టర్ రిలీజ్ చేశారు. టీజర్ అనౌన్స్ మెంట్‌పై కూడా కాస్త క్లారిటీ ఇచ్చినట్లే తెలుస్తోంది.
గ్లోబల్‌స్టార్‌ రామ్‌ చరణ్‌(Ram charan), సెన్సేషనల్‌ డైరెక్టర్‌ శంకర్‌ (Shankar) కాంబినేషన్‌లో రూపొందుతోన్న భారీ చిత్రం ‘గేమ్ చేంజర్‌’ (Game Changer). కాంబినేషన్‌ రీత్యా ఈ చిత్రంపై రోజురోజుకీ అంచనాలు పెరుగుతున్నాయి. దిల్‌ రాజు (Dil raju), శిరీష్‌ నిర్మిస్తోన్న ఈ సినిమాలో కియారా అద్వాని హీరోయిన్‌గా నటిస్తోంది. సంక్రాంతి సందర్భంగా జనవరి 10న ప్రపంచ వ్యాప్తంగా తెలుగు, తమిళ, హిందీ భాషల్లో విడుదల చేస్తున్నారు. అయితే ఈ సినిమాపై బజ్ క్రియేట్ చేసేందుకు మేకర్స్ కౌంట్‌డౌన్ షురూ చేస్తూ ఒక కొత్త పోస్టర్ రిలీజ్ చేశారు. టీజర్ అనౌన్స్ మెంట్‌పై కూడా కాస్త క్లారిటీ ఇచ్చినట్లే తెలుస్తోంది.
సంక్రాంతి కానుకగా రిలీజ్ అవుతున్న ఈ సినిమాపై భారీ అంచనాలున్నాయి. సంక్రాంతికి కాస్త ఎర్లీగానే అంటే జనవరి 10న ఈ సినిమా రిలీజ్ కానుంది. అయితే నేటి నుండి జనవరి 75రోజుల గడువుంది. ఈ నేపథ్యంలోనే మేకర్స్ 75 డేస్ కౌంట్‌డౌన్ మొదలుపెడుతూ.. ఒక పోస్టర్ ను రిలీజ్ చేశారు. ఈ 75 రోజులో వ్యవధిలో చాలానే అప్డేట్స్ వచ్చేలా అర్థమవుతోంది.
ఇప్పటి వరకు రిలీజైన ప్రమోషనల్ కంటెంట్ సినిమాపై మంచి బజ్ క్రియేట్ చేసింది. ఇక సంక్రాంతి బరిలో ఉన్న ఈ సినిమా బాలకృష్ణ, వెంకటేష్, అజిత్, సందీప్ కిషన్ మూవీస్‌తో పోటీ పడాల్సి ఉంది. దీంతో అలర్ట్ అయినా మూవీ మేకర్స్ దీపావళి కానుకగా సినిమా టీజర్ విడుదల చేసి అభిమానుల్లో హైప్ పెంచాలని చూస్తున్నట్లు తెలుస్తోంది.మరోవైపు పుష్ప 2 సినిమా ఎలాంటి అప్డేట్స్ లేకుండానే పాన్ ఇండియా వైడ్‌గా విపరీతమైన బజ్ క్రియేట్ చేస్తున్న విషయం తెలిసిందే.