Martin: మార్టిన్ ఓటీటీ స్ట్రీమింగ్ ఎప్పుడంటే..

ధృవ సర్జా(Dhruva sarja), వైభవి శాండిల్య (Vaibhavi Sandilya) నటించిన  చిత్రం ‘మార్టిన్‌’ (Martin). ఇటీవల ప్రేక్షకుల ముందుకు వచ్చిన  థ్రిల్లర్‌ యాక్షన్‌ ప్రియులను మెప్పించింది.  ప్రస్తుతం ఈ చిత్రం ఓటీటీలోకి స్ట్రీమింగ్ అవుతోంది.  ఆహా వేదికగా అందుబాటులోకి వచ్చింది. ఈ విషయాన్ని తెలుపుతూ ఆ ఓటీటీ సంస్థ పోస్టర్‌ విడుదల చేసింది. ఏపీ అర్జున్‌ దర్శకత్వం వహించారు. అర్జున్‌ సర్జా కథను అందించారు.

కథ: అర్జున్ (ధృవ సర్జా) ఓ పోర్టులో కస్టమ్స్ ఆఫీసర్‌గా విధులు నిర్వర్తిస్తుంటాడు. నిజాయతీ, దేశభక్తి ఉన్న అధికారి. ఈయన ఓ ఆపరేషన్ కోసం పాకిస్థాన్ వెళ్లాల్సి వస్తుంది. అక్కడికి వెళ్లాక అనూహ్య పరిణామాలు చోటు చేసుకుంటాయి. తానెవరన్నది కూడా మరిచిపోతాడు. తనెవరో కనుక్కునే క్రమంలోనే, తనకి సాయం చేసిన వాళ్లంతా అంతమవుతుంటారు. ఇండియాలోని తన స్నేహితులు కూడా హత్యకి గురవుతుంటారు. ఆయన్ని ప్రేమించిన ప్రీతి (వైభవి శాండిల్య) ప్రాణాలు కూడా ప్రమాదంలో పడతాయి. అతి కష్టంమీద ఇండియాకి తిరిగొచ్చాక అర్జున్‌కి ఎలాంటి అనుభవాలు ఎదురయ్యాయి? ఈ కథలో మార్టిన్ ఎవరు? అతనికీ, అర్జున్‌కీ సంబంధం ఏమిటి? వీళ్లిద్దరి లక్ష్యం ఏమిటనే విషయాలు తెలియాలంటే మార్టిన్ చూడాల్సిందే.