Sandeep Raj: ఆ హీరోయిన్‌తో 'కలర్ ఫోటో' డైరెక్టర్ పెళ్లి ఫిక్స్
ABN , Publish Date - Nov 12 , 2024 | 10:10 AM
కలర్ ఫొటో’తో దర్శకుడిగా పరిచయమై తొలి చిత్రంతోనే జాతీయ పుర్కస్కారం అందుకున్న యంగ్ అండ్ టాలెంటెడ్ ఆర్టిస్ట్ సందీప్ రాజ్. ఆయన పని చేసిన సినిమాలోనే హీరోయిన్‌గా నటించిన ఒక బ్యూటీని ఆయన త్వరలోనే పెళ్లిచేసుకోబోతున్నాడు. తాజాగా ఎంగేజ్మెంట్ కూడా జరిగింది. ఇంతకీ ఆ నటి ఎవరంటే..
యూట్యూబ్ బ్యాక్ గ్రౌండ్ నుండి వచ్చి ‘కలర్ ఫొటో’(Colour photo) తో దర్శకుడిగా పరిచయమై తొలి చిత్రంతోనే జాతీయ పుర్కస్కారం అందుకున్న యంగ్ అండ్ టాలెంటెడ్ ఆర్టిస్ట్ సందీప్ రాజ్. ఒకవైపు రైటర్, యాక్టర్, ప్రొడ్యూసర్, డైరెక్టర్ లుగా అన్ని విభాగాల్లోనూ అదరగొడుతున్నాడు ఈ యంగ్ టాలెంటెడ్ ఆర్టిస్ట్. యూట్యూబ్ నుండి మొదలుపెడితే ఓటీటీల వరకు సందీప్ జర్నీ చూస్తే తెలుగు స్మాల్ స్క్రీన్ బిగ్ బాస్ అనొచ్చు. అయితే ఆయన సిల్వర్ స్క్రీన్ పైన కూడా త ఇంప్యాక్ట్ చూపించేందుకు రెడీ అవుతున్నాడు. ఇది పక్కన పెడితే ఆయన పని చేసిన సినిమాలోనే హీరోయిన్ గా నటించిన ఒక బ్యూటీని ఆయన త్వరలోనే పెళ్లిచేసుకోబోతున్నాడు. తాజాగా ఎంగేజ్మెంట్ కూడా జరిగింది. ఇంతకీ ఆ నటి ఎవరంటే..
సందీప్ రాజ్ ‘కలర్ ఫొటో’ తర్వాత ఎక్కువగా ఓటీటీ సినిమాలకు, సిరీస్ లకు రైటర్ అవతారమెత్తారు. స్క్రిప్ట్ అందించిన మూవీలో ఒకటి ‘హెడ్స్‌ అండ్ టేల్స్‌’. ఇందులో హీరోయిన్‌గా తెలుగు అమ్మాయి 'చాందిని రావు' నటించింది. చాందిని-సందీప్ నాలుగేళ్ళ నుండి డేటింగ్ చేస్తున్నారట. షార్ట్ ఫిలిమ్స్ నుండి స్టార్ట్ అయినా వీరి స్నేహం ప్రేమగా మారింది. దీంతో వీళ్లిద్దరికీ పెళ్లి ఫిక్స్ చేశారు పెద్దలు. సోమవారం వైజాగ్ బీచ్ రిసార్ట్ లో ఘనంగా ఎంగేజ్మెంట్ నిర్వహించారు.
చాందిని రావు ‘హెడ్స్‌ అండ్ టేల్స్‌’తో పాటు రణస్థలి, రంగస్థలం సినిమాల్లో నటించింది.ఫేమస్ వెబ్ సిరీస్ పెళ్లి గోల సీజన్ 2లోను ఆమె చేసిన గోల మామూలుది కాదు. ఇక సందీప్ యాంకర్ సుమ కనకాల తనయుడు రోషన్ కనకాలతో 'మోగ్లీ' అనే చిత్రాన్ని తెరకెక్కిస్తున్నాడు.
