Game changer: జరగండి జరగండి.. 'గేమ్ ఛేంజర్' వచ్చేస్తున్నాడు

రామ్ చరణ్ (Ram charan) హీరోగా నటిస్తున్న ‘గేమ్ ఛేంజర్’ (Game changer) చిత్రం పై అంచనాలు భారీగా పెరుగుతున్నాయి. దర్శకుడు శంకర్‌ తెరకెక్కించిన "గేమ్ ఛేంజర్" కోసం దేశవ్యాప్తంగా సినీ ప్రేక్షకులు ఎదురుచూస్తున్నారు. జనవరి 10, 2025న సంక్రాంతికి ఈ చిత్రం భారీ ఎత్తున విడుదల కాబోతోంది. ఇటీవల విడుదలైన “జరగండి”, “రా రా మచ్చ” అనే రెండు ఎలక్ట్రిఫైయింగ్ పాటలు శ్రోతలను తెగ ఆకట్టుకున్నాయి. ఈ చిత్రం నుంచి రావాల్సిన టీజర్, ట్రైలర్ మరియు మిలిగిలిన పాటలు కోసం అభిమానులు ఆసక్తిగా ఎదురుచూస్తున్న సంగతి తెలిసిందే. అయితే దీపావళి కానుకగా ఈ సినిమా టీజర్ విడుదలవుతుందని అంత భావించారు. కాగా మేకర్స్ ఈ సినిమా టీజర్ అప్డేట్‌ని విడుదల చేశారు. ఇంతకీ గేమ్ ఛేంజర్ సినిమా టీజర్ రిలీజ్ ఎప్పుడంటే..

ఈ సినిమాని నిర్మిస్తున్న దిల్ రాజు బ్యానర్ 'శ్రీ వెంకటేశ్వర క్రియేషన్స్' తమ సోషల్ మీడియా అకౌంట్ ద్వారా టీజర్ అప్డేట్ పోస్టర్ ని రిలీజ్ చేశారు. నవంబర్ 9న టీజర్ విడుదల కానున్నట్లు తెలిపారు. మరోవైపు ఈ పోస్టర్‌లో రామ్ చరణ్ లుక్ అదిరిపోయేలా ఉండటంతో ఫ్యాన్స్ తెగ సంబరపడిపోతున్నారు. ఈ సినిమాలో కియారా అద్వాని హీరోయిన్‌గా నటిస్తోంది. సంక్రాంతి కానుకగా జనవరి 10న ప్రపంచ వ్యాప్తంగా తెలుగు, తమిళ, హిందీ భాషల్లో విడుదల చేయనున్నారు. అయితే సినిమా రిలీజ్ దగ్గరపడుతున్న వేళా మరింత బజ్ క్రియేట్ చేయడానికి రకరకాల ప్రమోషన్స్ మొదలు పెట్టారు.

"గేమ్ ఛేంజర్"లో రామ్ చరణ్ నిజాయితీగా గల ఐఏఎస్ అధికారిగా, అణగారిన వర్గాల సంక్షేమం కోసం పోరాడే రాజకీయ నాయకుడిగా కనిపించబోతోన్నారు. ఈ చిత్రంలో బాలీవుడ్ బ్యూటీ కియారా అద్వానీ కథానాయికగా, తెలుగు నటి అంజలి కీలక పాత్రలో నటిస్తున్నారు. తమన్ సంగీతం, నేపథ్య సంగీతం స్పెషల్ అట్రాక్షన్ కానుంది. ఎడిటింగ్‌ను బాధ్యతను ప్రఖ్యాత ద్వయం షమ్మర్ ముహమ్మద్, రూబెన్ నిర్వహిస్తున్నారు. హైదరాబాద్, న్యూజిలాండ్, ఆంధ్రప్రదేశ్, ముంబై, చండీగఢ్‌తో సహా విభిన్న ప్రదేశాలలో షూట్ చేసిన "గేమ్ ఛేంజర్" విజువల్ వండర్‌గా ఆడియెన్స్ ముందుకు రాబోతోంది. కార్తీక్ సుబ్బరాజ్ అందించిన పవర్ ఫుల్ స్టోరీకి శంకర్ తన విజన్‌ను జోడించి భారీ ఎత్తున తెరకెక్కించారు. శ్రీ వెంకటేశ్వర క్రియేషన్స్, జీ స్టూడియోస్ బ్యానర్‌పై దిల్ రాజు ప్రతిష్టాత్మకంగా ఈ చిత్రాన్ని నిర్మిస్తున్నారు