Varun Tej: రెండు సార్లు టార్గెట్ మిస్ అయింది. ఈసారి గట్టిగా కొడతా

మెగా ప్రిన్స్ వరుణ్ తేజ్ (Varun Tej) మోస్ట్ ఎవైటెడ్ మూవీ 'మట్కా'. కరుణ కుమార్ దర్శకత్వం వహిస్తున్న ఈ చిత్రాన్ని వైర ఎంటర్‌టైన్ మెంట్స్, SRT ఎంటర్‌టైన్‌మెంట్స్‌పై డాక్టర్ విజయేందర్ రెడ్డి తీగల, రజనీ తాళ్లూరి హై బడ్జెట్ తో నిర్మించారు. మీనాక్షి చౌదరి, నోరా ఫతేహి హీరోయిన్స్ గా నటిస్తున్నారు. ఈ మూవీ టీజర్, ట్రైలర్ హ్యుజ్ బజ్ క్రియేట్ చేశాయి. స్టార్ మ్యూజిక్ డైరెక్టర్ జివి ప్రకాష్ కుమార్ కంపోజ్ చేసిన మట్కా (Matka) ఆల్బమ్ చార్ట్ బస్టర్ హిట్ అయ్యింది. ప్రేక్షకులు ఎంతగానో ఎదురుచూస్తున్న 'మట్కా' నవంబర్ 14న ప్రేక్షకులు ముందుకు రానుంది. ఈ సందర్భంగా వైజాగ్ లో ప్రీరిలీజ్ ఈవెంట్ ని ఘనంగా నిర్వహించారు. భారీగా హాజరైన అభిమానులు సమక్షంలో ప్రీరిలీజ్ ఈవెంట్ చాలా గ్రాండ్ గా జరిగింది.

ఈ సంద‌ర్భంగా హీరో వరుణ్ తేజ్ (Varun Tej) మాట్లాడుతూ.. అందరికీ నమస్కారం. ఇక్కడికి వచ్చి ఇంతగా అద్భుతంగా సపోర్ట్ చేసిన ప్రేక్షకులు, అభిమానులందరికీ పేరుపేరునా థాంక్యూ సో మచ్. బర్మా నుంచి వైజాగ్‌కి శరణార్థిగా వచ్చిన వాసు అనే కుర్రాడి కథ ఇది. వాసు చిన్నప్పటి క్యారెక్టర్‌లో కార్తికేయ నటించాడు. చాలా అద్భుతంగా చేశాడు. తనకు చాలా మంచి భవిష్యత్తు ఉంటుంది. అవినాష్ నాకు తమ్ముడు క్యారెక్టర్ చేశాడు. తనకి ఆల్ ది బెస్ట్. ఈ సినిమాలో పనిచేసిన మీనాక్షి చౌదరి, నోరా, జాన్ విజయ్, నవీన్ చంద్ర, సత్యం రాజేష్ అందరికీ థాంక్యు. నవీన్ చంద్ర ఫెంటాస్టిక్ యాక్టర్. ఈ సినిమాకి ప్రాణం పెట్టి పనిచేసిన అందరికీ పేరుపేరునా ధన్యవాదాలు. డిఓపి కిషోర్ వర్క్ గురించి సినిమా రిలీజ్ అయిన తర్వాత అందరూ మాట్లాడుకుంటారు. విజువల్ గా సినిమాని ఇంత గ్రాండ్ గా చేసిన కిషోర్ కి థాంక్యూ. ఆర్ట్ డైరెక్టర్ కిరణ్ అద్భుతంగా వైజాగ్ ని క్రియేట్ చేశారు. ఈ సినిమాకి కిరణ్ చాలా పెద్ద ఎసెట్. ఎడిటర్ గారికి, మా డైరెక్షన్ టీం కి, మా ప్రొడక్షన్ టీం కి, మా నిర్మాతలకు థాంక్యూ సో మచ్. నిర్మాతలు విజయేంద్ర గారు, రామ్ తాళ్లూరి గారు ఈ సినిమాని డే వన్ నుంచి చాలా పాషనేట్ గా వర్క్ చేశారు. రిలీజ్ తర్వాత ఈ సినిమా మీకు చాలా డబ్బులు తీసుకురావాలని కోరుకుంటున్నాను.

ఒక మాస్ సినిమా చేద్దాం, అందరికీ నచ్చే సినిమా చేద్దామని భావిస్తున్నప్పుడు కరుణ కుమార్ గారు మట్కా కథతో వచ్చారు. తను అద్భుతమైన మేకర్. మంచి సెన్సిబిలిటీస్ ఉన్న డైరెక్టర్. ఆయనతో వర్క్ చేయడం నిజంగా నాకు అదృష్టంగా అనిపించింది. నాలోని యాక్టర్ ని ఆయన పట్టుకున్నారనిపించింది. ఆయనతో వర్క్ చేయడం గ్రేట్ ఎక్స్పీరియన్స్. రిలీజ్ తర్వాత అందరూ కరుణ కుమార్ గారి వర్క్ గురించి మాట్లాడుకుంటారు. ప్రతి సినిమా రిలీజ్ ముందు ఒక టెన్షన్ ఉంటుంది. అలా టెన్షన్ పడుతున్నప్పుడు రామ్ చరణ్ అన్నయ్య నుంచి మొన్న మార్నింగ్ ఫోన్ వచ్చింది. అన్నయ్య ఎప్పుడు ఒక ఎమోషనల్ సపోర్ట్ గా ఉంటారు థాంక్స్ చరణ్ అన్న. మా బాబాయ్. పెదనాన్న ఎప్పుడు గుండెల్లో ఉంటారు. నవంబర్ 14న ఈ సినిమా మీ అందరి ముందుకు వస్తుంది. టార్గెట్ రెండు సార్లు మిస్ అయింది. ఈసారి మాత్రం గట్టిగా కొడతానన్నారు. నేను మామూలుగా మాటలు చెప్పే వ్యక్తిని కాదు. కానీ ఈసారి సినిమా చూసి నమ్మకంతో చెప్తున్నాను. మీ అందరికీ ఈ సినిమా నచ్చుతుంది. మీ అందరిని అలరిస్తుందన్నారు.

నా లైఫ్ లోని హీరోయిన్, నా వైఫ్ లావణ్య ఈవెంట్ కి రావడం చాలా ఆనందంగా ఉంది. తను ఎప్పుడు నాకు సపోర్ట్ చేస్తుంటుంది. అందరికీ పేరుపేరునా బిగ్ థ్యాంక్స్. నేను మాటలు ఆడడం కంటే నా సినిమా మాట్లాడాలని భావిస్తాను. నా టీమ్ అందరికీ పేరుపేరునా థాంక్స్. మట్కా 14న వస్తుంది. ధియేటర్స్ లో దుమ్ము దులపపోతుంది. ఇది మాత్రం గ్యారెంటీ. ఈ సినిమాలో ఒక డైలాగ్ ఉంటుంది. విశాఖపట్నం అంటే సముద్రం గుర్తుకు రావాలి, లేదా ఈ వాసు గాడు గుర్తుకు రావాలి. వాసు గాడు రేపు థియేటర్లో మిమ్మల్ని ఒక మంచి ఎమోషనల్ జర్నీలోకి తీసుకెళ్లబోతున్నాడు. వాడితో పాటు ట్రావెల్ అవుతారు. ఒక మంచి సినిమా మీకు ఇవ్వాలనే ఉద్దేశంతో మా టీమంతా హార్డ్ వర్క్ చేసి మీ ముందుకు తీసుకొచ్చాం. మమ్మల్ని ఆశీర్వదించి ఈ సినిమాని పెద్ద సక్సెస్ చేయాలని కోరుకుంటున్నాను. అందరికీ థాంక్యు' అన్నారు.