Kubera: కంటైనర్‌ నిండా నోట్ల కట్టలు.. అదిరిన నాగార్జున ‘కుబేర’ లుక్‌
ABN , Publish Date - May 03 , 2024 | 10:12 AM
ధనుష్ , నాగార్జున కాంబినేష‌న్‌లో శేఖర్‌ కమ్ముల దర్శకత్వంలో తెరకక్కుతోన్న చిత్రం ‘కుబేర’. తాజాగా ఈ సినిమా నుంచి ఓ ఆప్డేట్ ఇచ్చారు.
ధనుష్ (Dhanush), నాగార్జున (Nagarjuna Akkineni) కాంబినేష‌న్‌లో స్పెషాలిటీ ద‌ర్శ‌కుడు శేఖర్‌ కమ్ముల (Sekhar Kammula) దర్శకత్వంలో తెరకక్కుతోన్న చిత్రం ‘కుబేర’ (Kubera). ఇప్ప‌టికే విడుదల చేసిన గ్లిమ్స్ పినిమాపై విప‌రీత‌మైన క్యూరియాసిటీని పెంచేస్తుండ‌గా తాజాగా ఈ సినిమా నుంచి ఓ ఆప్డేట్ ఇచ్చారు. సినిమా నుంచి కింంగ్ నాగార్జున ఫ‌స్ట్ లుక్‌ను రిలీజ్ చేయ‌డ‌మే కాకుండా సినిమా థీమ్‌ను వివ‌రించేలా వీడియోను డిస్నీ ఫ్ల‌స్ హాట్‌స్టార్‌లో విడుదల చేశారు.
ఈ వీడియోలో.. భారీ వ‌ర్షం ప‌డుతుండ‌గా నిండా డ‌బ్బుల‌తో ఉన్న కంటైన‌ర్ల మ‌ధ్య నాగార్జున (Nagarjuna Akkineni) గొడుగుతో నిల్చుని కింద ప‌డి ఉన్న రూ.500 నోట్ల‌ను కంటైన‌ర్‌లో పెట్ట‌డాన్ని చూయిస్తూ సినిమాపై ఆస‌క్తి పెరిగేలా చేశారు. ఈ ‘కుబేర’ (Kubera) సినిమా షూటింగ్ ఇప్ప‌టికే శ‌ర‌వేగంగా జ‌రుగుతుండ‌గా ఈ సంవ‌త్స‌రం ద‌స‌రాకు గానీ దీపావ‌ళికి గానీ విడుదల చేయ‌నున్న‌ట్లు స‌మాచారం.
పాన్ ఇండియా సినిమాగా వ‌స్తున్న ఈ చిత్రాన్ని సునీల్‌ నారంగ్‌, పుస్కర్‌ రామ్‌మోహన్‌రావు నిర్మిస్తుండ‌గా, రష్మిక మందన్న (Rashmika Mandanna) కథానాయికగా నటిస్తోంది, దేవిశ్రీప్రసాద్ (DEVI SRI PRASAD) సంగీతం అందిస్తున్నారు.