Nani: ప్లాప్ తర్వాత కూడా ఆ డైరెక్టర్‌కి ఛాన్స్ ఇవ్వనున్న నాని
ABN , Publish Date - Nov 02 , 2024 | 11:47 AM
నేచురల్ స్టార్ నాని తన సినిమాల విషయంలో ఎప్పుడు ఆలస్యం చేయడు. ప్రస్తుతం మూడు సినిమాలతో బిజీగా ఉన్న నాని.. ఈ మూడు సినిమాలు కంప్లీట్ చేసేలోపే ఫ్లాప్స్‌తో సతమతవుతున్న ఓ డైరెక్టర్‌కి నాని ఛాన్స్ ఇవ్వనున్నట్లు తెలుస్తోంది. ఇంతకీ ఆ డైరెక్టర్ ఎవరంటే..
నేచురల్ స్టార్ నాని (Natural Star Nani) తన సినిమాల విషయంలో ఎప్పుడు ఆలస్యం చేయడు. ప్రస్తుతం నాని తాను నిర్మాతగా వ్యవహరిస్తున్న హిట్ ప్రాంచైజీలో శైలేష్ కొలను తెరకెక్కిస్తున్న హిట్ 3 సినిమా షూటింగ్ లో బిజీగా ఉన్నారు. మరోవైపు 'దసరా' సినిమాతో సూపర్ హిట్ అందించిన దర్శకుడు శ్రీకాంత్ ఓదెలతో మరో సినిమా చేస్తున్నాడు. అలాగే యంగ్ అండ్ టాలెంటెడ్ డైరెక్టర్ సుజీత్ తో ఒక సినిమా ప్లాన్ చేస్తున్నట్లు టాక్. అయితే ఈ మూడు సినిమాలు కంప్లీట్ చేసేలోపే ఫ్లాప్స్‌తో సతమతవుతున్న ఓ డైరెక్టర్‌కి నాని ఛాన్స్ ఇవ్వనున్నట్లు తెలుస్తోంది. ఇంతకీ ఆ డైరెక్టర్ ఎవరంటే..
ప్రస్తుతం నాని ప్రాజెక్ట్ లలొ 'హిట్ 3' మొదట రిలీజ్ కానుంది. శ్రీకాంత్ ఓదెల మూవీ 2026 ప్రథమార్థంలో రిలీజ్ కానుంది. ఇక సుజీత్ పూర్తిగా పవన్ కళ్యాణ్ 'ఓజీ' పై ఫోకస్ చేయడంతో నానితో సినిమా ప్రారంభించటానికి ఇంకా చాలా సమయం పడుతుంది. దీంతో ఆ గ్యాప్‌ని పూర్తి చేసేందుకు నాని డైరెక్టర్ శివ నిర్వాణకి మరో అవకాశం ఇవ్వనున్నట్లు వార్తలు చక్కర్లు కొడుతున్నాయి. 'నిన్ను కోరి' సినిమాతో నానికి మంచి హిట్ అందించిన శివ 'టక్ జగదీశ్' తో డిజాస్టర్ అందించాడు. శివ నిర్వాణ చివరిగా విజయ్ దేవరకొండతో తెరకెక్కించిన 'ఖుషి' సినిమా యావరేజ్‌గా నిలిచింది.
ఇక నాని-శ్రీకాంత్ ఓదెల సినిమా విషయానికొస్తే.. ఈ సినిమా అనౌన్స్‌మెంట్ పోస్టర్ ఎరుపు రంగులో పెయింట్ చేయబడింది, ఇది వైలెన్స్ సూచిస్తుంది. నాని గడ్డం, మెలితిప్పిన మీసాలతో మ్యాసీవ్ అవతార్‌లో కనిపిస్తున్నారు. స్టైలిష్ షేడ్స్‌ ధరించి, గ్రేస్ ఫుల్‌గా సిగార్‌ను కాలుస్తూ కనిపించారు. ‘You don’t need an identity to be a leader’ అని పోస్టర్ పై రాసి ఉంది. వాస్తవానికి, నాని ముఖం అతని పాత్రను సూచించే నేపథ్యంలో జనసమూహంతో డిజైన్ చేయబడింది. నానిని పవర్ ఫుల్ క్యారెక్టర్‌లో ప్రెజెంట్ చేయడానికి శ్రీకాంత్ మరో విన్నింగ్ స్క్రిప్ట్ రెడీ చేసినట్లుగా ఈ పోస్టర్‌తో తెలుస్తోంది.