Pawan Kalyan: పవన్ ఫ్యాన్స్‌కి బిగ్ సర్ప్రైజ్.. ఓజీ అప్డేట్
ABN , Publish Date - Nov 10 , 2024 | 05:27 PM
పవన్ కళ్యాణ్ సినిమాల విషయంలో ఇప్పుడు పరిస్థితి తారుమారైంది. దీంతో కొంతమంది పవన్ ఫ్యాన్స్ కూడా సంతోషపడుతున్నారు. ఇంతకీ ఏమైందంటే..
పవర్ స్టార్ పవన్ కళ్యాణ్ పూర్తిగా పాలిటిక్స్‌లోకి ఎంటర్ కావడంతో ఆయన ప్రస్తుతం చేస్తున్న సినిమాలు ఆలస్యం అవుతూ వస్తున్నాయి. కాగా ఆయన 2020లో 'హరిహర వీరమల్లు’, 2021లో 'ఉస్తాద్ భగత్ సింగ్', 2022లో ‘ఓజీ’ సినిమాలు ప్రారంభించిన విషయం తెలిసిందే. అయితే ఈ సినిమాల రిలీజ్ కాస్త ఆలస్యమైనా.. ప్రారంభించిన వరుసలోనే రిలీజ్ ఉంటుందనుకున్నారు. కానీ.. ఇప్పుడు పరిస్థితి తారుమారైంది. దీంతో కొంతమంది పవన్ ఫ్యాన్స్ కూడా సంతోష పడుతున్నారు. ఇంతకీ ఏమైందంటే..
పవన్ కళ్యాణ్-సుజీత్ కాంబోలో తెరకెక్కుతున్న చిత్రం 'ఓజీ'. ఇది పవన్ సైన్ చేసిన ఆఖరి సినిమా అయినా శరవేగంగా షూటింగ్ జరుపుకుంటూ దూసుకుపోతుంది. ఇక అన్నిటికంటే ముందే స్టార్ట్ అయినా 'హరిహర వీరమల్లు’ కాస్త నిదానంగా నడుస్తున్నట్లు తెలుస్తోంది. దీంతో 'హరిహర వీరమల్లు’ కన్నా ముందే ‘ఓజీ’ని రిలీజ్ చేయనున్నట్లు సమాచారం. యంగ్ అండ్ డైనమిక్ డైరెక్టర్ సుజీత్ పై ఎంతో కాన్ఫిడెంట్ గా ఉన్నారు పీకే ఫ్యాన్స్. దీంతో మేమంతా 'ఓజీ' కోసమే వెయిట్ చేస్తున్నామని చెబుతున్నారు.
ఇక 'హరిహర వీరమల్లు’ విషయానికొస్తే.. పీరియాడికల్‌ యాక్షన్‌ అడ్వెంచర్‌గా తెరకెక్కుతున్న ఈ చిత్రంలో నిధి అగర్వాల్‌ కథానాయిక. తొలుత ఈ చిత్రానికి క్రిష్‌ దర్శకుడిగా 60 శాతానికి పైగా సినిమాను పూర్తి చేయ‌గా ఆయన ప‌ర్య‌వేక్ష‌ణ‌లో నిర్మాత రత్నం కుమారుడు , డైరెక్టర్ జ్యోతి కృష్ణ మిగ‌తా షూటింగ్‌ను పూర్తి చేయ‌నున్నాడు. అనుపమ్‌ ఖేర్‌, బాబీ దేవోల్‌, విక్రమ్‌సింగ్‌ విర్క్‌, నోర ఫతేహి, నర్గీస్‌ ఫక్రీ, సచిన్‌ ఖేడ్కర్‌, జిషుసేన్‌ గుప్తా. దాలిప్‌ తాహిల్‌ కీలక పాత్రధారులు. ఎ.దయాకరరావు, ఏ.ఎం రత్నం సంయుక్తంగా మెగా సూర్య ప్రొడక్షన్స్ పతాకంపై భారీ బడ్జెట్‌తో ఈ చిత్రాన్ని నిర్మిస్తున్నారు. తాజా సమాచారం ప్రకారం ఈ 'హరి హర వీర మల్లు పార్ట్-1 స్వార్డ్ వర్సెస్ స్పిరిట్’ సినిమాను ప్రపంచవ్యాప్తంగా తెలుగు, తమిళం, మలయాళం, హిందీ మరియు కన్నడ భాషల్లో మార్చి విడుదలపై అనుమానం నెలకొంది. ఇక 'ఉస్తాద్ భగత్ సింగ్' మరింత ఆలస్యం కానున్నట్లు తెలుస్తోంది.