Spirit: దీపావళి ధమాకా.. ప్రభాస్ ‘స్పిరిట్’ అప్డేట్
ABN , Publish Date - Oct 31 , 2024 | 05:41 PM
ప్ర‌స్తుతం ప్రభాస్ మారుతి డైరెక్షన్ లో పీపుల్ మీడియా ఫ్యాక్టరీ నిర్మిస్తున్న ది రాజా సాబ్, ప్రశాంత్ నీల్ దర్శకత్వంలో హోంబలే ఫిలింస్ నిర్మిస్తున్న సలార్ 2, హను రాఘవపూడి దర్శకత్వంలో మైత్రీ మూవీ మేకర్స్ నిర్మిస్తున్న సినిమాలు లైన్‌లో ఉన్నాయి. ఈ నేపథ్యంలో స్పిరిట్ సినిమా షూట్, రిలీజ్ పై ఫ్యాన్స్ కనీసం ఊహాగానాలు కూడా మొదలు పెట్టలేదు. అయితే అందరిని షాక్ చేస్తూ డైరెక్టర్ సందీప్ స్పిరిట్ మూవీ నుండి అదిరిపోయే అప్డేట్ అందించారు. ఇంతకీ ఆ అప్డేట్ ఏంటంటే..
బ్లాక్‌బస్టర్ డైరెక్టర్ సందీప్ రెడ్డి వంగా (Sandeep Reddy Vanga), రెబల్ స్టార్ ప్రభాస్ (Prabhas)తో భారీ బడ్జెట్ లో తెరకెక్కిస్తున్న చిత్రం ‘స్పిరిట్’ (Spirit). ప్ర‌స్తుతం ప్రభాస్ మారుతి డైరెక్షన్ లో పీపుల్ మీడియా ఫ్యాక్టరీ నిర్మిస్తున్న ది రాజా సాబ్, ప్రశాంత్ నీల్ దర్శకత్వంలో హోంబలే ఫిలింస్ నిర్మిస్తున్న సలార్ 2, హను రాఘవపూడి దర్శకత్వంలో మైత్రీ మూవీ మేకర్స్ నిర్మిస్తున్న సినిమాలు లైన్‌లో ఉన్నాయి. ఈ నేపథ్యంలో స్పిరిట్ సినిమా షూట్, రిలీజ్ పై ఫ్యాన్స్ కనీసం ఊహాగానాలు కూడా మొదలు పెట్టలేదు. అయితే అందరిని షాక్ చేస్తూ డైరెక్టర్ సందీప్ స్పిరిట్ మూవీ నుండి అదిరిపోయే అప్డేట్ అందించారు. ఇంతకీ ఆ అప్డేట్ ఏంటంటే..
సందీప్ మొదటి సినిమా అర్జున్ రెడ్డి నుండి దర్శకుడు సందీప్‌కి తోడుగా ఉన్న మ్యూజిక్ కంపోజర్ హర్షవర్ధన్ రామేశ్వర్. అనంతరం సందీప్ నెక్స్ట్ ఫిల్మ్స్.. కబీర్ సింగ్, యానిమల్ సినిమాలకు బ్లాక్‌బస్టర్ మ్యూజిక్ అందించాడు. కాగా సందీప్ స్పిరిట్‌కి కూడా హర్ష వర్ధనే మ్యూజిక్ అందిస్తున్నాడు. ఈ క్రమంలోనే తన 'X' ఖాతా ద్వారా అదిరిపోయే అప్డేట్ అందించాడు రామేశ్వర్. డైరెక్టర్ సందీప్ రెడ్డి వంగాతో కలిసి మ్యూజిక్ సిట్టింగ్స్ స్టార్ట్ అయినట్లు ఓ వీడియోని పోస్ట్ చేశారు. దీంతో ప్రభాస్ ఫ్యాన్స్ ఎగిరి గంతేస్తున్నారు.
గతంలో స్పిరిట్ సినిమా గురించి జరిగిన ఇంటర్వ్యూలో సందీప్ ఆసక్తికర వ్యాఖ్యలు చేశారు. ‘‘300 కోట్ల బడ్జెట్‌తో ‘స్పిరిట్’ను తెరకెక్కిస్తున్నాం. శాటిలైట్‌, డిజిటల్‌ హక్కుల విక్రయంతోనే ఈజీగా ఆ బడ్జెట్ వచ్చేస్తుంది. విడుదలయ్యాక తొలిరోజే రూ.150 కోట్లు కచ్చితంగా వస్తాయి. ఇది నమ్మకం కాదు.. వ్యాపారం. ఏ సినిమా అయినా టీజర్‌, ట్రైలర్‌, పాటలు ఆకట్టుకోగలిగితే.. దానికి మొదటిరోజే మంచి వసూళ్లు వస్తాయి. ‘స్పిరిట్’లో ప్రభాస్ డిఫరెంట్‌ లుక్‌లో కనిపిస్తారు. ఇప్పటి వరకు ప్రభాస్‌ను గత 24 సినిమాల్లో ప్రేక్షకులు ఒకలా చూశారు. ఇప్పుడు మరోస్థాయిలో చూస్తారు. ఆయనలో చాలా ప్రత్యేకతలున్నాయి. ఆయన వెనక్కి తిరిగి చూసే స్టైల్‌ చాలా ప్రత్యేకంగా ఉంటుంది. నేను ఆయన్ని చూపించే విధానం ఆడియన్స్ కు నచ్చితే చాలు.. సినిమా కచ్చితంగా సక్సెస్‌ అవుతుంది.’’ అని అన్నారు. ‘బేబీ’, ‘ఉప్పెన’ కథలు మీ దగ్గరకు వస్తే దేనికి దర్శకత్వం వహిస్తారనే ప్రశ్నకు సమాధానం చెబుతూ ‘‘నేను నిర్మాతగా సినిమా తీయాలని కొన్ని కథలు విన్నాను. అవేమీ నచ్చలేదు. కథ నచ్చితే డైరెక్ట్‌ చేయడంతోపాటు, నిర్మాతగా కూడా వ్యవహరిస్తా. ‘ఉప్పెన’ చిత్రం చాలా బాగుంటుంది. ఆ ఐడియా నాకు నచ్చింది. భవిష్యత్తులో బయోపిక్‌ చేయాల్సి వస్తే.. మైఖేల్‌ జాక్సన్‌ జీవిత చరిత్రను తెరకెక్కిస్తా’’ అని అన్నారు.