The Raja Saab: ప్రభాస్ సినిమాలో ఆ సెన్సేషనల్ సాంగ్.. రీమిక్స్
ABN , Publish Date - Nov 17 , 2024 | 08:37 AM
డార్లింగ్ ఫ్యాన్స్ ప్రభాస్ ను ఎలా స్క్రీన్ మీద చూడాలనుకుంటున్నారో, డైరెక్టర్ మారుతి అలా "రాజా సాబ్" మూవీని రూపొందిస్తున్నారు. తాజాగా ఈ సినిమా నుండి ఒక సెన్సేషనల్ అప్డేట్ అందరిని ఆశ్చర్యపరుస్తోంది. ఇంతకీ ఆ అప్డేట్ ఏంటంటే..
రెబల్ స్టార్ ప్రభాస్, సక్సెస్‌పుల్ డైరెక్టర్ మారుతి దర్శకత్వంలో రూపుదిద్దుకుంటోన్న చిత్రం ‘ది రాజా సాబ్’. పీపుల్ మీడియా ఫ్యాక్టరీ పతాకంపై టీజీ విశ్వప్రసాద్ నిర్మిస్తున్నారు. మాళవికా మోహనన్‌, నిధి అగర్వాల్‌, రిద్థి కుమార్‌ హీరోయిన్లు గా నటిస్తున్న ఈ చిత్రాన్ని వచ్చే ఏడాది సమ్మర్ కానుకగా ఏప్రిల్ 10న రిలీజ్ కానుంది. తాజాగా ఈ సినిమా నుండి ఒక సెన్సేషనల్ అప్డేట్ అందరిని ఆశ్చర్యపరుస్తోంది. ఇంతకీ ఆ అప్డేట్ ఏంటంటే..
ప్రభాస్ ఇప్పటి వరకు తన కెరీర్ లో ట్రై చేయని హారర్ కామెడీ జాన్రాలో ఈ సినిమా తెరకెక్కుతున్న విషయం తెలిసిందే. ఇప్పటికే రిలీజైన ఈ సినిమా పోస్టర్స్, గ్లిమ్ప్స్‌తో ఫ్యాన్స్ ఫుల్ ఖుషీగా ఉన్నారు. అయితే ఈ మూవీలో 1994లో వచ్చిన ‘ఇన్‌సాఫ్ అప్నే లహోసే’ అనే బాలీవుడ్ సినిమాలోని ‘‘హవా హవా..’’ అనే సెన్సేషనల్ సాంగ్‌ని రీమిక్స్ చేయనున్నట్లు తెలుస్తోంది. ఇది ఫ్యాన్స్ అందరికి పెద్ద సర్ప్రైజ్. పాన్ ఇండియా సినిమా కావడంతో అన్ని ప్రాంతాల ఆడియెన్స్‌ని ఎంటర్‌టెన్ చేయడానికి ఈ సాంగ్ ప్లాన్ చేసినట్లు సమాచారం. ఇప్పటికే 'రాజాసాబ్' మేకర్స్ ఈ సాంగ్ రైట్స్ ని కొనేసినట్లు సమాచారం.
ఇక డార్లింగ్ ఫ్యాన్స్ ప్రభాస్ ను ఎలా స్క్రీన్ మీద చూడాలనుకుంటున్నారో, డైరెక్టర్ మారుతి అలా "రాజా సాబ్" మూవీని రూపొందిస్తున్నారు. భారీ ప్రొడక్షన్ వ్యాల్యూస్‌తో ఎక్కడా రాజీ పడకుండా గ్రాండ్‌గా ప్రొడ్యూస్ చేస్తోంది. 'రాజా సాబ్' పాన్ ఇండియా స్థాయిలో తెలుగుతో పాటు తమిళ,మలయాళ, కన్నడ, హిందీలో ప్రేక్షకుల ముందుకు రాబోతోంది. ప్రస్తుతం రెగ్యులర్ షూటింగ్ జరుగుతుంది.
