Nithiin: ప్రొడ్యూసర్ మారాడు.. అ నిర్మాణ సంస్థకే ఎందుకిలా
ABN , Publish Date - Nov 16 , 2024 | 12:41 PM
హనుమాన్ సినిమాతో బాక్సాఫీస్ వద్ద సంచలనం సృష్టించిన నిర్మాణ సంస్థ 'ప్రైమ్ షో ఎంటర్‌టైన్‌మెంట్'. ప్రస్తుతం వరుసగా ప్రాజెక్ట్స్‌ని కోల్పోతూ వార్తల్లో నిలుస్తుంది. ఇంతకీ ఏమైందంటే..
ఈ ఏడాది రిలీజైన 'హనుమాన్' సినిమా బాక్సాఫీస్ వద్ద ఎంత సంచలన విజయం సృష్టించిందో ప్రత్యేకంగా చెప్పాల్సిన అవసరం లేదు. రూ. 40 కోట్లతో రూపొందించిన ఈ సినిమా దేశవ్యాప్తంగా దాదాపు రూ.350 కోట్లు కొల్లగొట్టింది. ఈ సినిమాని ప్రైమ్ షో ఎంటర్‌టైన్‌మెంట్ బ్యానర్‌పై నిరంజన్ రెడ్డి నిర్మించారు. అయితే ఈ సినిమా రెండో పార్ట్ కి నిర్మాత మారిపోయారు. ఇక నిరంజన్ రెడ్డి నిర్మిద్దామనుకున్న ఇంకో ప్రాజెక్ట్ కూడా వేరే నిర్మాణ సంస్థ చేతిలోకి వెళ్ళింది. ఇంతకీ అ సినిమా ఏంటి? ఎం జరుగుతుందంటే..
ఇండస్ట్రీలోకి ఎంటర్ అయినా తక్కువ కాలంలోనే గేమ్ ఛేంజింగ్ నిర్మాణ సంస్థగా పేరు తెచ్చుకుంది 'ప్రైమ్ షో ఎంటర్‌టైన్‌మెంట్'. హనుమాన్‌తో బ్లాక్ బస్టర్ హిట్ సొంతం చేసుకున్న ఈ బ్యానర్ పార్ట్ 2ని మాత్రం 'మైత్రి మూవీ మేకర్స్‌'కి వదిలేసింది. తాజాగా నితిన్ హీరోగా విక్రమ్ కుమార్ డైరెక్షన్‌లో వస్తున్న ఓ సినిమాని వదిలేసుకుంది. దీంతో ఆ సినిమాని 'యువీ క్రియేషన్స్' సొంతం చేసుకుంది. ఇక నిరంజన్ రెడ్డి ప్రస్తుతం సాయి దుర్గ తేజ్ ప్రెస్టీజియస్ ప్రాజెక్ట్ 'SDT18' ని నిర్మిస్తున్నారు.
Also Read-Rana Daggubati: పవన్‌ కళ్యాణ్ వచ్చే అవకాశం లేదు..
ఇక ప్రస్తుతం నితిన్.. వెంకీ కుడుములు దర్శకత్వంలో తెరకెక్కిన రాబిన్ హుడ్ సినిమా రిలీజ్ కి సిద్ధంగా ఉంది. ఆయన నెక్స్ట్ వేణు శ్రీరామ్ డైరెక్షన్ లో నటిస్తున్నా 'తమ్ముడు' సినిమా మహా శివరాత్రికి రిలీజ్ కానుంది. అనంతరం వేణు యేల్దండి రూపొందిస్తున 'ఎల్లమ్మ' సినిమాతో పాటు విక్రమ్ కుమార్ సినిమా సమాంతరంగా షూటింగ్ జరుపుకోనుంది.