Pushpa - Kissik Song: ఫ్లోర్‌ ఫైరే.. మాస్‌ జాతరే..
ABN , Publish Date - Nov 21 , 2024 | 08:09 PM
ప్రస్తుతం ఎక్కడా చూసిన 'పుష్ప-2' (Pushpa 2) గురించే చర్చ. సినిమా రిలీజ్‌ గురించి అభిమానులు పాన్‌ ఇండియా స్థాయిలో ఎదురుచూస్తున్నారు. ఈ ఇద్దరి డ్యాన్సింగ్‌ ఫైర్‌కు రాక్‌స్టార్‌ దేవి శ్రీ ప్రసాద్‌ బాణీలు తోడైతే.. మాస్‌ జాతరే అంటున్నారు సుకుమార్‌ టీమ్‌
ప్రస్తుతం ఎక్కడా చూసిన 'పుష్ప-2' (Pushpa 2) గురించే చర్చ. సినిమా రిలీజ్‌ గురించి అభిమానులు పాన్‌ ఇండియా స్థాయిలో ఎదురుచూస్తున్నారు. సుకుమార్‌ (sukumar)దర్శకత్వంలో సుకుమార్‌ రైటింగ్స్‌ అసోసియేషన్‌తో మైత్రీ మూవీ మేకర్స్‌ పతాకంపై నవీన్‌ ఎర్నేని, యలమంచిలి రవిశంకర్‌ నిర్మించిన ఈ చిత్రం డిసెంబర్‌ 5న ప్రేక్షకుల ముందుకు రానుంది. ప్రస్తుతం ప్రమోషన్‌ కార్యక్రమాలు ముమ్మరంగా నిర్వహిస్తున్నారు టీమ్‌. సినిమాకు సంబంధించి ఏ అప్డేట్ వచ్చినా అభిమానుల్లో ఉత్సాహం ఉప్పొంగుతుంది. ఇటీవల పట్నాలో జరిగిన ఈవెంట్‌ ఎంత క్రేజ్‌ తీసుకొచ్చిందో తెలిసిందే! ఇక ఈ చిత్రంలో అందరూ ఎంతగానో ఎదురుచూస్తున్న ప్రత్యేక పాటకు సంబంధించిన అప్డేట్ వచ్చేసింది.
ఐకాన్‌ స్టార్‌ అల్లు అర్జున్‌ Allu arjun) డ్యాన్సింగ్‌ క్వీన్‌ శ్రీలీలపై (Shree leela) చిత్రీకరించిన కిస్సిక్‌ పాటను ఈ నెల 24న చెన్నైలో జరగనున్న ఈవెంట్‌లో 7.02 గంటలకు గ్రాండ్‌గా విడుదల చేయనున్నారు. ఐకాన్‌స్టార్‌ డ్యాన్సుల గురించి, డ్యాన్సుల్లో ఆయన ఎనర్జీ, ఈజ్‌, స్టయిల్‌ గురించి ప్రత్యేకంగా చెప్పాల్సిన అవసరం లేదు. మరో వైపు డ్యాన్సుల్లో తనకంటూ ఓ ముద్ర వేసుకున్న కథానాయిక శ్రీలీల ఈకాంబోలో ప్రత్యేక గీతం అంటే ఇక ఫ్లోర్‌ ఫైరే.. ఈ సాంగ్‌ పుష్ప-2లో మరో సెన్సేషన్‌గా నిలవబోతోందని యూనిట్‌ చెబుతోంది. ఈ ఇద్దరి డ్యాన్సింగ్‌ ఫైర్‌కు రాక్‌స్టార్‌ దేవి శ్రీ ప్రసాద్‌ బాణీలు తోడైతే.. మాస్‌ జాతరే అంటున్నారు సుకుమార్‌ టీమ్‌. (Kissik song)
నంద్యాల మాజీ ఎమ్మెల్యే శుభాకాంక్షలు..
డిసెంబర్‌ 5 న 'పుష్ప 2’ సినిమా విడుదల సందర్భంగా 'తెరపై మీ విశ్వరూపం చూడడానికి ఎదురుచూస్తున్నాం ప్రేమతో మీకు శుభాకాంక్షలు’ అంటూ మాజీ ఎమ్మెల్యే శిల్పా రవి చంద్ర రెడ్డి ట్వీట్‌ చేశారు. ఈ ట్వీట్‌కు స్పందిస్తూ హీరో అల్లు అర్జున్‌ 'థాంక్స్‌ బ్రదర్‌.. మీ ప్రేమకు ధన్యవాదాలు’ అంటూ రిప్లై ఇచ్చారు.