Pushpa 2: పుష్ప 2 రన్ టైమ్ ఫిక్స్.. ఎంతో తెలుసా
ABN , Publish Date - Nov 16 , 2024 | 05:55 PM
ఐకాన్ స్టార్‌ అల్లు అర్జున్‌ బ్రిలియంట్‌ డైరెక్టర్‌ సుకుమార్ దర్శకత్వంలో అత్యంత ప్రతిష్టాత్మకంగా రూపొందుతున్న ఈ పాన్‌ ఇండియా చిత్రంపై సర్వత్రా చర్చ జరుగుతోంది. డిసెంబర్ 5న ప్రేక్షకుల ముందుకు రానున్న ఈ సినిమా రన్ టైమ్ క్లారిటీ వచ్చేసింది.. ఎంతంటే
ప్రపంచవ్యాప్తంగా ఉన్న సినీ ప్రేమికులందరూ ఎంతగానో ఎదురుచూస్తున్న ఇండియన్‌ ఫిల్మ్‌ ‘పుష్ప-2 ది రూల్‌’ (Pushpa 2 The Rule). ఐకాన్ స్టార్‌ అల్లు అర్జున్‌ (Icon Star Allu Arjun) - బ్రిలియంట్‌ డైరెక్టర్‌ సుకుమార్ (Director Sukumar) దర్శకత్వంలో అత్యంత ప్రతిష్టాత్మకంగా రూపొందుతున్న ఈ పాన్‌ ఇండియా చిత్రంపై సర్వత్రా చర్చ జరుగుతోంది. డిసెంబర్ 5న ప్రేక్షకుల ముందుకు రానున్న ఈ సినిమా రన్ టైమ్ క్లారిటీ వచ్చేసింది. ఎంతంటే..
సుకుమార్ సినిమాలంటేనే మినిమమ్ 3 గంటల రన్ టైమ్ కామన్. పుష్ప సినిమాకి ఒక నిమిషం తక్కువ 3 గంటలు చేసిన సుక్కు ఈ సారి 3 గంటలకు పైనే ఎడిట్ కాపీని లాక్ చేశారట. అయితే ఈ సినిమా ఫైనల్ రన్ టైమ్ 3 గంటల 30 నిమిషాలు అనే టాక్ వినిపించింది. సందీప్ రెడ్డి వంగా 'యానిమల్' సినిమా ఇంతే రన్ టైమ్ తో విడుదలై సూపర్ డూపర్ బ్లాక్ బస్టర్ గా నిలిచింది. అయితే పుష్ప మేకర్స్ సినిమా రన్ టైమ్‌పై ఎలాంటి క్లారిటీ ఇవ్వకున్నా యూఎస్ డిస్ట్రిబ్యూటర్స్‌కి మాత్రం 3 గంటల 10 నిమిషాలుగా అప్డేట్ చేసుకోమన్నారట. దీంతో పుష్ప రన్ టైమ్ 3 గంటల 10 నిమిషాలుగా ఆన్‌ అఫీషియల్‌గా ఫిక్స్ అయ్యింది.
ఇక 2021లో రిలీజైన 'పుష్ప' సినిమా కోసం ఎలాంటి ప్రమోషన్స్ చేయని విషయం తెలిసిందే. ఎలాంటి ప్రమోషన్స్ లేకుండానే నార్త్ మార్కెట్‌ని కూడా షేక్ చేసిన క్రెడిట్ ఆ సినిమాకే చెందుతుంది. అయితే 'పుష్ప 2' చివరి క్షణం వరకు షూటింగ్ జరుపుకుంటున్న సందర్భంగా మేకర్స్ ఇలా భారీ ప్రమోషన్స్ ప్లాన్ చేశారు. త్వరలోనే ఈ చిత్ర ప్రమోషన్స్‌ను పాట్నా, కలకత్తా, చెన్నయ్‌, కొచ్చి, బెంగళూరు, ముంబయ్‌, హైదరాబాద్‌లో మాసివ్‌గా నిర్వహించబోతున్నట్లుగా మేకర్స్ అధికారికంగా తెలియజేసిన విషయం తెలిసిందే. ఇందులో భాగంగానే ‘పుష్ప-2 ది రూల్‌’ చిత్ర ట్రైలర్ లాంచ్‌ను ఈ నెల 17న బిగ్గెస్ట్‌ ఈవెంట్‌ ఫర్‌ ఇండియన్‌ బిగ్గెస్ట్‌ ఫిలింగా పాట్నాలో అత్యంత గ్రాండ్‌గా నిర్వహించబోతున్నారు. 17 నవంబర్‌ రోజు సాయంత్రం 6 గంటల 03 నిమిషాలకు ట్రైలర్ విడుదల చేయబోతున్నట్లుగా మేకర్స్ ప్రకటించారు.