Kohli-Charan: కోహ్లీ బయోపిక్‌లో రామ్‌చ‌ర‌ణ్‌.. మ‌రోసారి తెర‌పైకి!

బయోపిక్స్ ట్రెండ్‌కు క్రేజ్ ఇంకా తగ్గడం లేదు. ఆ భాష, ఈ భాష అనేం లేదు.. అన్ని ఇండస్ట్రీల్లోనూ ఈ తరహా సినిమాలకు మంచి డిమాండ్ ఉంది. సినీ, రాజకీయ, క్రీడా, వ్యాపార రంగాల్లో సక్సెస్ అయిన వారి జీవితాల ఆధారంగా చేసుకొని తెరకెక్కించిన పలు బయోపిక్స్‌ మంచి హిట్స్‌గా నిలిచాయి. దీంతో ఈ తరహా సినిమాల కోసం ఆడియెన్స్‌లో వెయిటింగ్ పెరిగిపోయింది. అందుకే దీన్ని క్యాష్ చేసుకునేందుకు ప్రముఖుల జీవితాలపై బయోపిక్స్ తీస్తున్నారు మేకర్స్. క్రికెటర్స్ లైఫ్ మీద కూడా ఇలాంటి తరహా చిత్రాలు వచ్చాయి. ధోని, సచిన్, కపిల్ దేవ్ బయోపిక్స్ వచ్చి సక్సెస్ అయ్యాయి. ఇప్పుడు స్టార్ బ్యాటర్ విరాట్ కోహ్లీ బయోపిక్‌కు రంగం సిద్ధమవుతోందని తెలిసింది. అందులో కోహ్లీ (Virat Kohli) క్యారెక్టర్‌లో మెగాపవర్ స్టార్ రామ్ చరణ్ (Ram Charan) నటించనున్నట్లు సమాచారం.

బయోపిక్‌లో కోహ్లీ పాత్రను రామ్ చరణ్ (Ram Charan) పోషించనున్నాడని.. అతిత్వరలోనే ఈ ప్రాజెక్ట్‌కు సంబంధించిన అధికారిక ప్రకటన రానుందని వినిపిస్తోంది. బాలీవుడ్‌కు చెందిన ఓ బడా ప్రొడక్షన్ హౌస్ ఈ మూవీని ప్లాన్ చేస్తోందని నెట్టింట జోరుగా ప్రచారం నడుస్తోంది. కోహ్లీగా కనిపించేందుకు చరణ్ ఓకే చెప్పాడని సమాచారం. అయితే గతంలో ఓసారి ఇలాంటి వార్తలు రాగా వాటిని చెర్రీ టీమ్ ఖండించింది. ఇందులో ఎలాంటి నిజం లేదని క్లారిటీ ఇచ్చింది. దీంతో అప్పట్లో దీనికి బ్రేక్ పడినా.. విరాట్ (Virat Kohli) బర్త్‌డే సందర్భంగా మరోమారు బయోపిక్ న్యూస్ ట్రెండింగ్‌గా మారింది.

సచిన్‌ త‌ర‌హాలో కోహ్లీ..

కోహ్లీ బయోపిక్‌ మీద అతడి అభిమానులు విభిన్నంగా స్పందిస్తున్నారు. విరాట్ జీవితంపై సినిమా తీస్తే అందులో చరణ్ పర్ఫెక్ట్‌ సరిపోతాడని అంటున్నారు. కానీ తన క్యారెక్టర్‌లో స్వయంగా కోహ్లీ నటించే అవకాశాలే ఎక్కువని, అతడికి యాక్టింగ్ అంటే ఇష్టం కూడా ఉన్నందున సచిన్ మాదిరిగా బయోపిక్‌లో తానే కనిపించే ఛాన్స్ ఉందని అంటున్నారు. దీనికి కింగ్ సతీమణి అనుష్క నిర్మాతగా వ్యవహరించొచ్చని చెబుతున్నారు. కోహ్లీ (Virat Kohli) రోల్‌లో నటించే అవకాశం ఇతరులకు దక్కడం కష్టమేనని కామెంట్స్ చేస్తున్నారు. ఒకవేళ చరణ్ (Ram Charan) ఆ పాత్రలో కనిపిస్తే బాక్సాఫీస్ షేక్ అవడం ఖాయమని ఫ్యాన్స్ అంటున్నారు.

అవ‌కాశం వ‌స్తే చేస్తా: రామ్ పోతినేని

గతంలో చాలామంది రామ్‌ పోతినేని (Ram Pothineni)కు టీమిండియా స్టార్‌ క్రికెటర్‌ కోహ్లీ (Virat Kohli)కి దగ్గరి పోలికలు ఉన్నాయనీ, ఇద్దరి ఫేస్‌ కట్‌ ఒకేలా ఉంటుందని చాలామంది చెబుతుండేవారు. సోషల్‌ మీడియాలోనూ వీరిద్దరి ఫోటోలకు పోలిక తెస్తూ వైరల్‌ చేశారు అభిమానులు. ఇదే విషయంపై రామ్‌ స్పందించారు. ‘విరాట్‌లా ఉన్నానని చాలా మంది చాలాకాలంగా అంటున్నారు. ఇస్మార్ట్‌ శంకర్‌’ కోసం లుక్‌ డిసైడ్‌ చేశాక సోషల్ మీడియాలో పోస్ట్‌ చేశా. అప్పటి నుంచి ఈ పోలిక వచ్చింది. ఇండియన్‌ స్టార్‌ క్రికెటర్‌తో కంపేర్‌ చేయడం నాకు హ్యాపీనే. తన బయోపిక్‌లో నటించే అవకాశం వేస్త.. తప్పకుండా చేస్తా విరాట్‌ బయోపిక్‌ అంటే ఎగ్జైటింగ్‌గా ఉంటుంది’ అని సమాధానమిచ్చారు.