RAPO 22: మీకు సుపరిచితుడు, మీలో ఒకడు.. ఎవరో తెలుసా
ABN , Publish Date - Dec 05 , 2024 | 06:42 PM
మీకు సుపరిచితుడు, మీలో ఒకరిని హీరో రామ్ పోతినేని పరిచయం చేయనున్నాడు. ఇంతకీ ఎవరు ఈ మీకు సుపరిచితుడు, మీలో ఒకడు అంటే..
ఉస్తాద్‌’ రామ్ పోతినేని (Ram) హీరోగా మైత్రి మూవీ మేకర్స్ (Mythri movie makers) సంస్థ ‘మిస్‌ శెట్టి మిస్టర్‌ పోలిశెట్టి’ డైరెక్టర్ మహేష్‌బాబు (Mahesh Babu) దర్శకత్వంలో 'RAPO 22' తెరకెక్కిస్తున్న విషయం తెలిసిందే. ఇటీవల ఈ సినిమా పూజ కార్యక్రమాలు పూర్తి చేసుకుంది. ఈ సినిమాలో రామ్ సరసన భాగ్యశ్రీ బోర్సే హీరోయిన్‌గా నటిస్తున్నారు. తాజాగా మూవీ టీమ్ నుండి ఒక ఇంట్రెస్టింగ్ అప్డేట్ వచ్చింది. అదేంటంటే..
'పుష్ప 2' సూపర్ సక్సెస్ ఎంజాయ్ చేస్తున్న మైత్రీ మూవీ మేకర్స్ నెక్స్ట్ రామ్ పోతినేని మూవీపై ఫోకస్ చేస్తోంది. డైలీ ఎదో ఒక అప్డేట్ ఇస్తూ ఫ్యాన్స్ దిల్ ఖుషి చేస్తోంది. తాజాగా "మీకు సుపరిచితుడు, మీలో ఒకడు.." అంటూ ఎవరినో పరిచయం చేసేందుకు సిద్ధమైంది. మీలో ఒకడిని డిసెంబర్‌ 6న 10:08 గంటలకు పరిచయం చేయబోతున్నట్లు పోస్టర్ రిలీజ్ చేశారు. ఈ పోస్టర్ లో హీరో రామ్ సైకిల్‌పై వెళ్తున్న లుక్‌ను చూపించి చూపించనట్లుగా షేర్ చేశారు.
ఇప్పటికే ఈ సినిమా కోసం టాలెంటెడ్ అండ్ కోలీవుడ్ సెన్సేషనల్ మ్యూజిక్ డైరెక్టర్స్ వివేక్ - మెర్విన్ సంగీతం అందిస్తుండటంతో పాటు. నేషనల్ అవార్డు విన్నింగ్‌ ఎడిటర్ శ్రీకర్‌ ప్రసాద్‌ పని చేయనుండటంతో అంచనాలు మరింత పెరిగాయి.
వివేక్ శివ, మెర్విన్ సాల్మన్... ఇద్దరూ కలిసి వివేక్ - మెర్విన్ పేరుతో మ్యూజిక్ చేయడం మొదలు పెట్టారు. తమిళంలో తొలి సినిమా 'వడా కర్రీ'తో మంచి పేరు తెచ్చుకున్నారు. అయితే... వాళ్లిద్దరూ సంగీతం అందించిన ప్రయివేట్ మ్యూజిక్ ఆల్బమ్ సాంగ్ 'ఓర్శాడా...', 'పక్కం నీయుమ్ ఇళ్లై...' చార్ట్ బస్టర్లుగా నిలిచాయి. ధనుష్ హీరోగా నటించిన 'పటాస్' చిత్రానికి సంగీతం అందించారు. ఆ సినిమాలోని 'చిల్ బ్రో...' సాంగ్, ఇంకా ప్రభుదేవా 'గులేబకావళి'లోని గులేబా సాంగ్, కార్తీ 'సుల్తాన్' సినిమాలోని సాంగ్స్... ఇలా వివేక్ - మెర్విన్ సూపర్ డూపర్ హిట్ పాటలకు మ్యూజిక్ అందించారు.