Robinhood: నితిన్ ఫ్యాన్స్‌కి పండగే.. 'జీవీ' మార్క్
ABN , Publish Date - Nov 12 , 2024 | 01:15 PM
ఎట్టకేలకు ‘రాబిన్‌హుడ్‌’ సినిమా ప్రమోషన్స్ స్టార్ట్ కావడంతో నితిన్ ఫ్యాన్స్ ఫుల్ ఖుషి అవుతున్నారు. ఈ నేపథ్యంలోనే మూవీ టీమ్ ఒక ఇంట్రెస్టింగ్ అప్డేట్‌ని షేర్ చేసింది అందులో 'జీవీ' మార్క్ ఉన్నట్లు తెలుస్తోంది. ఇంతకీ ఆ అప్డేట్ ఏంటంటే..
హీరో నితిన్ (Nithiin) నటిస్తోన్న యూనిక్ యాక్షన్, హీస్ట్ కామెడీ ఎంటర్‌టైనర్ చిత్రం ‘రాబిన్‌హుడ్‌’ (Robinhood). యంగ్ బ్యూటీ శ్రీలీల (Sreeleela) హీరోయిన్‌గా నటిస్తున్న ఈ చిత్రానికి వెంకీ కుడుముల (Venky Kudumula) దర్శకుడు. ఈ చిత్రాన్ని క్రిస్మస్ కానుకగా డిసెంబర్ 20న విడుదల చేయనున్నారు. ఈ సినిమాకి ప్రముఖ తమిళ మ్యూజిక్ డైరెక్టర్ జీవీ ప్రకాష్ కుమార్ మ్యూజిక్ అందిస్తున్నారు. ఈ నేపథ్యంలోనే మూవీ టీమ్ ఒక ఇంట్రెస్టింగ్ అప్డేట్‌ని షేర్ చేసింది. అదేంటంటే..
సినిమా రిలీజ్ దగ్గరపడుతున్న వేళలో మేకర్స్ సినిమాపై బజ్ పెంచేందుకు ప్రయత్నిస్తున్నారు. ఇందులో భాగంగానే ఈ సినిమా టీజర్ ని నవంబర్ 14న సాయంత్రం 4.05 నిమిషాలకు రిలీజ్ చేయనున్నట్లు ప్రకటించారు. అయితే ఈ టీజర్ లో జీవీ ప్రకాష్ కుమార్ మ్యూజిక్ హైలెట్ గా నిలవనుందని డైరెక్టర్ వెంకీ కుడుముల తన సోషల్ మీడియా పోస్ట్ ద్వారా పరోక్షంగా తెలిపారు. ఇక ఈ సినిమాలో హీరో నితిన్ అందరిని 'మై డియర్ సిస్టర్స్ అండ్ బ్రదర్స్' అని పిలవనున్నట్లు తెలుస్తోంది. ఇది నితిన్ పోస్ట్‌లో క్లియర్ గా కనిపిస్తుండగా. వెంకీ కుడుముల ఫన్నీగా 'అల్ ఇండియన్స్ ఆర్ హిస్ బ్రదర్స్ అండ్ సిస్టర్స్' అంటూ క్యాప్షన్ పెట్టి నితిన్‌ని ట్యాగ్ చేశారు. ఎట్టకేలకు ఈ సినిమా ప్రమోషన్స్ స్టార్ట్ కావడంతో నితిన్ ఫ్యాన్స్ ఫుల్ ఖుషి అవుతున్నారు.
ఈ సినిమాలో ఏజెంట్ జాన్ స్నో అకా జనార్ధన్ సున్నిపెంటగా నటకిరీటి రాజేంద్ర ప్రసాద్ ఒక కీలక పాత్రలో నటించనున్నారు. మైత్రీ మూవీ మేకర్స్ ఈ చిత్రాన్ని అత్యున్నత స్థాయి ప్రొడక్షన్, టెక్నికల్ వాల్యూస్‌తో భారీ బడ్జెట్‌తో నిర్మిస్తోంది. నవీన్ యెర్నేని, వై రవిశంకర్ ఈ చిత్రానికి నిర్మాతలు. టాప్ టెక్నిషియన్స్ ఈ చిత్రానికి పని చేస్తున్నారు. సాయి శ్రీరామ్ డీవోపీ‌గా పని చేస్తుండగా.. జివి ప్రకాష్ కుమార్ సంగీతం, ప్రవీణ్ పూడి ఎడిటర్, రామ్ కుమార్ ఆర్ట్ డైరెక్టర్‌గా బాధ్యతలు నిర్వహిస్తున్నారు.